+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Baǵdat áýejaıyna jasalǵan raketa shabýylynan 8 adam mert boldy

2020 jylǵy 3 qańtar 10:12
Bólisińiz:
Baǵdat áýejaıyna jasalǵan raketa shabýylynan 8 adam mert boldy

BAǴDAT. TASS-QazAqparat – Juma kúni Baǵdat halyqaralyq áýejaıynyń túbinde birneshe qýatty jarylys boldy, dep jazady TASS.

Agence France-Presse habarlaǵandaı, bireýler áýejaıdy raketamen atqylaǵan. Kem degende 8 adam kóz jumǵan.

«Baǵdat halyqaralyq áýejaıy mańyna úsh raketa qulady, saldarynan eki mashına jaryldy», - deıdi agenttik ıraktyq áskerılerdiń sózin keltirip.

Olardyń málimetinshe, raketalar «Al-Hashd ash-Shaabı» shııt jasaǵyna qarsy baǵyttalǵan.

Al Arabiya telearnasy «Al-Hashd ash-Shaabı» ókilderine silteme jasap marqumdardyń arasyndaǵy beseýi – sol uıymnyń múshesi, al ekeýi – Baǵdat áýejaıyna kelgen qonaq ekenin habarlady.

Eske sala keteıik, buǵan deıin Al Hadath telearnasy áýejaı mańynda amerıkalyq áskerı bazalar ornalasqanyn jazdy. Áýejaıǵa kireberistegi bekette bolǵan 12 ıraktyq áskerı qyzmetshi jaraqat alǵan. Zardap shekkender arasynda beıbit halyq ta bar. Bir raketa ushý-qoný jolaǵyna qulaǵan, saldarynan áýe aılaǵyn jabýǵa týra keldi.

30 jeltoqsanda shııt áskerleri Baǵdattyń soltústigindegi AQSh áskerleri ornalasqan Et-Tadjı áskerı bazasyna 4 mına atqysh snarıadyn tastaǵan bolatyn. Zardap shekkender týraly málimet joq.

Pentagon ókili áýe soqqysy 5 nysanǵa baǵyttalǵanyn, onyń ishinde qarý-jaraq saqtaıtyn qoıma men komandalyq pýnkt bolǵanyn aıtty. AQSh qorǵanys vedomstvosynyń málimetinshe, «Kataıb Hezbollah» uıymy 27 jeltoqsanda Kırkýk túbindegi Irak bazasyn raketamen atqylaǵany úshin jaýapty. Saldarynan amerıkalyq kelisimshart qyzmetkeri kóz jumǵan edi.

«Kataıb Hezbollah» uıymy Irak pen Sırııada Irak áskerimen birge «Islam memleketi» terrorıstik tobyna qarsy soǵysyp, lańkesterdi joıýǵa úles qosqan «Al-Hashd ash-Shaabı» shııt jasaǵynyń quramyna kiredi.

Aıta keteıik, raketa shabýylynan qaza tapqandar arasynda ırandyq Islam revolıýtsııasy áskerleri korpýsynyń arnaıy maqsattaǵy «Al Kýds» qarýly kúshteriniń qolbasshysy Qasym Súleımanı de bar.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT