Baǵanyń ósýine qatysty shaǵymdy qaıda jiberý kerek - Saýda mınıstrligi túsindirdi
2022 jylǵy 21 qańtar 17:45

Baǵanyń ósýine qatysty shaǵymdy qaıda jiberý kerek - Saýda mınıstrligi túsindirdi

NUR-SULTAN. QazAqparat – QR Saýda jáne ıntegratsııa mınıstrligi Saýda komıtetiniń tóraǵasy Erjan Qazanbaev áleýmettik mańyzy bar azyq-túlik taýarlarynyń shekti baǵalaryn qaıda qaraý jáne shaǵymdardy qaıda jiberýge bolatyny týraly suraqqa jaýap berdi, dep habarlaıdy QazAqparat tilshisi.

Birinshi kezekte, Erjan Qazanbaev áleýmettik mańyzy bar azyq-túlik taýarlaryna shekti mánderdi ákimdikter ár óńir úshin jeke belgileıtinin jáne eldiń basqa óńirlerine taralmaıtynyn túsindirdi.

«Shekti baǵalar týraly málimetter ashyq bolyp sanalady jáne «Ádilet» portaly men ákimdikterdiń resmı saıttaryn qosa alǵanda, ashyq kózderde ornalastyrylady», - dedi komıtet tóraǵasy.

Sondaı-aq, Erjan Qazanbaev qandaı memlekettik organdarǵa baǵanyń ósýine qatysty shaǵymdarmen júginýge bolatynyn aıtty.

Birinshi arna - bul ákimdikter. Óıtkeni búgingi tańda jergilikti atqarýshy organdarda saýda jelilerinde baǵa qoǵamdyq baqylaýdy tarta otyryp, saýda ústemesiniń 15 paıyzynan aspaýy úshin saýda ústemelerin, syıaqylardy baqylaý boıynsha qural bar.

Ekinshi tetik - Saýda jáne ıntegratsııa mınıstrliginiń Tutynýshylardyń quqyqtaryn qorǵaý komıteti jáne komıtettiń aýmaqtyq departamentteri. Sonymen qatar jaqyn arada aýmaqtyq departamentter arqyly júginý múmkindigi paıda bolatyn Saýda komıtetine, sondaı-aq E-tutynushy platformasy arqyly júginýge bolady. Ol arqyly áleýmettik mańyzy bar azyq-túlik taýarlary baǵasyn kóteretin dúkenge shaǵym berýge múmkindik bar.

Úshinshi memlekettik organ - bul QR Básekelestikti qorǵaý jáne damytý agenttigi jáne onyń aýmaqtyq departamentteri. Olarǵa azyq-túlik ónimderiniń jasandy tapshylyǵy nemese baǵa alypsatarlyǵy paıda boldy degen kúdik týyndaǵan jaǵdaıda júginý kerek. Osydan keıin ákimdikter, Saýda jáne ıntegratsııa mınıstrligi jáne Básekelestikti qorǵaý jáne damytý agenttigi tarapynan belgili bir den qoıý is-sharalary qabyldanady.


Jańalyqtar

MURAǴAT