+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Baǵany turaqtandyrýda júıeli jumystar qajet – Asqar Myrzahmetov

2019 jylǵy 14 qarasha 01:21
Bólisińiz:
Baǵany turaqtandyrýda júıeli jumystar qajet – Asqar Myrzahmetov

TARAZ. QazAqparat – Jambyl oblysynda áleýmettik mańyzy bar taýarlardyń  baǵalaryn turaqtandyrý men baqylaýda ustaý – basty nazarda bolmaq. Bul oraıda aımaq basshysy Asqar Myrzahmetov turaqtandyrý qorynyń kommýnaldyq dúkenderin kóbeıtýdiń mańyzdylyǵyn atap ótti, dep habarlaıdy QazAqparat tilshisi.

Uqsas jańalyqtar
SQO-da tsıfrlyq sút keshenderi salynady SQO ákimi: Aýa raıynyń qolaısyzdyǵyna qaramastan, mol astyq jınaldy Arysta fermerler odaǵynyń jıyny ótti

Taraz qalasyndaǵy birqatar nysandardy aralaǵan aımaq basshysy baǵany turaqtandyrýda júrgiziler jumystardyń júıeli bolý kerektigine aıryqsha kóńil bólip, jaýapty tulǵalarǵa naqty tapsyrmalar júktedi.

Aldymen Abaı dańǵylynyń boıyndaǵy «SMART» saýda ortalyǵynyń janynda №1 áleýmettik dúńgirshegine bas suqqan oblys ákimi ondaǵy taýarlardyń satylym barysyn barlady. Satýshy suranysqa oraı óziniń tańǵy jetiden keshki 22:00-ge deıin jumys jasaıtynyn jetkizdi. Al, basqa dúńgirshekterdegi jumys rejimi tańǵy 9:00-den keshki 19:00-ge deıin eken.

Aıta keteıik, búginde qala ishinde osyndaı 11 dúńgirshek bar. Olardaǵy áleýmettik mańyzy bar taýarlar naryqtaǵydan 10-15 paıyzǵa tómen satylýda. Atap aıtsaq, kartoptyń kelisi 70 teńge, sábiz 45, pııaz 35, kúnbaǵys maıy 325 teńge, qumsheker 190, sút 160, nan 55 teńgeden satylýda.

Aımaq basshysy, suranysqa oraı barlyq dúńgirshekterdiń jumys rejimin uzartý jáne qajettilikke oraı dúńgirshekterdiń sanyn barynsha arttyrý kerektigin tapsyrdy. Sondaı-aq, mundaı áleýmettik dúkender mańyndaǵy turǵyn úılerderdegi kópbalaly jáne az qamtylǵan otbasylardyń tizimin anyqtap, olarǵa jeńildikter qarastyrýdy, ol boıynsha tıisti tulǵalarǵa uıymdastyrýshylyq sharalaryn muqııat atqarýdy tapsyryp, bes kún ýaqyt berdi.

Budan soń Asqar Myrzahmetov «Kozın» jeke kásipkerliginiń naýbaıhana jumysymen tanysty. 2000 jyly qurylǵan naýbaıhana nan jáne kondıterlik ónimder shyǵarýmen aınalysady. Búginde táýligine 25 myń bólke nan shyǵaratyn kásiporynda 100-ge jýyq adam qyzmet etedi. Qazirgi tańda 0,8 gektar aýmaqta qosymsha naýbaıhananyń qurylysy júrgizilýde. Joba iske asqan ýaqytta taǵy 100 adamdy jumyspen qamtý kózdelip otyr.

Óńir basshysy nannyń baǵasyn ustap turýǵa qatysty júıeli sheshimder qabyldaý kerektigine kóńil bólip, soltústikten jetkiziletin joǵary sapaly unmen qatar, óz oblysymyzda ósiriletin bıdaıdy da utymdy uqsatýdyń mańyzdylyǵyna toqtaldy. Osy oraıda óńirde shyǵatyn bıdaıdy sapasyna sáıkes belgili bir dárejede naýbaıhanalarda óndeý isi qolǵa alynbaq. Osylaısha jol shyǵyny men sapasyna oraı nan baǵasyn tómendetýge qol jetkizýge bolady. Bul turǵyda anyqtaý, taldaý sharalary júrgizilmek.

Sonymen qatar oblys ákimi Taraz qalasynyń kommýnaldyq bazaryna at basyn buryp, ondaǵy jylqy, sıyr, qoı etteriniń jáne ózge de taýarlardyń satylym baǵasyn sholyp shyqty. Mundaǵy baǵalardyń naryqtaǵydan 10-15 paıyz tómen ekendigin baǵamdaǵan aımaq basshysy turǵyndardy barynsha habardar etip, tartý kerektigin, osylaısha baǵanyń negizsiz ósimine toıtarys berýge bolatynyn jetkizdi.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT