+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Baǵany burynǵy deńgeıge túsirmegen kásipkerlerge tıisti shara qoldanylady - mınıstr

2020 jylǵy 17 naýryz 15:25
Bólisińiz:
Baǵany burynǵy deńgeıge túsirmegen kásipkerlerge tıisti shara qoldanylady - mınıstr

NUR-SULTAN. QazAqparat - Búgin Úkimet alańynda onlaın-rejımde ótken otyrys qorytyndysy boıynsha QR Saýda jáne ıntegratsııa mınıstri Baqyt Sultanov tótenshe jaǵdaı kezinde azyq-túlikpen jáne alǵashqy qajetti taýarlarmen qamtamasyz etý týraly aıtyp berdi, dep habarlaıdy QazAqparat primeminister.kz saıtyna silteme jasap.

Uqsas jańalyqtar
Pnevmonııamen aýyrǵan naýqastardyń ókpesi qansha ýaqytta qalypqa keledi - maman pikiri Koronavırýs: Izraılde karantın, EO elderindegi jańa shekteýler paıda boldy Qazaqstanda osy ýaqytta 3 684 adam koronavırýstan em qabyldap jatyr

«Qazirgi tańdaǵy basty mindetimiz – halyq tirshiligin azyq-túlikpen jáne alǵashqy qajettiliktegi taýarlarmen úzdiksiz qamtamasyz etý. Úkimet aldyna qoıylǵan bul mindet Memleket basshysynyń keshegi jarlyqtarynda jáne úndeýde aıtyldy. Osy kúrdeli jaǵdaıda azyq-túlik qaýipsizdigi tolyq qamtamasyz etiletini aıtyldy. Joǵaryda atap ótkenimizdeı, taýarlardy artyǵymen satyp alyp, dúrligýdiń qajeti joq. Barlyq saýda nysandary tolyq rejımde jumys isteıdi. Іri nysandar boıynsha shekteý bar. Bul, azamattarymyzdyń qaýipsizdigi úshin ǵana jasalǵan. Degenmen, tutastaı alǵanda, ónimmen qamtamasyz etý tolyq kólemde uıymdastyrylady. Ol úshin qosymsha sharalar qabyldandy», — dep túsindirdi B. Sultanov.

Birinshiden, ákimdikter básekelestikti damytýdy qorǵaý organdarymen, sondaı-aq tutynýshylardyń quqyqtaryn qorǵaý organdarymen birlesip baǵa ózgeristerine turaqty monıtorıng júrgizedi, baǵany sóz baılasyp belgileýdi boldyrmaıdy.

«Baǵanyń negizsiz ósýine áreket jasaǵan kásipkerlerge baǵa ótken aptanyń basyndaǵy deńgeıine oralýy tıis ekenin habarlaımyn. Eger bulaı bolmasa, onda barlyq qolda bar quraldar qoldanylatyn bolady. Sonyń ishinde joǵaryda aıtyp ótkenimdeı, Prezıdent Jarlyǵynda aıtylǵandaı, Úkimetke shekti baǵalardy engizýge múmkindik berildi. Bul, eń sońǵy shara, biraq bul bizdiń kásipkerler TJ kezinde bıznes tarapynan áleýmettik jaýapkershilikti de qamtamasyz etý qajettigin túsinýi úshin tıimdi qural. Osyndaı jaǵdaıda azamattardan paıda taýyp qalýǵa biz jol bermeımiz», — dep málimdedi saýda mınıstri.

Ekinshiden, taýarlardy teńdestirilgen jáne óńiraralyq bólý úshin vedomstvoaralyq ózara is-qımyl qamtamasyz etiletin bolady. Qazirgi jaǵdaıda óńirler azyq-túlikti jetkizýdi qamtamasyz etýmen belsendi aınalysady jáne óńiraralyq jetkizilim uıymdastyrylǵan. QR AShM tarapynan ónim óndirýshiler men treıderlerdiń tizimi boıynsha tıisti aqparat óńirlerge berildi.

Úshinshiden, «aınalym shemasy» dep atalatyn baǵany tejeýdiń naryqtyq quraldaryn qoldaný keńeıtildi. Jergilikti atqarýshy organdar saýda jelilerimen belsendi jumys júrgizýde, olar azyq-túlik óndirýshilermen tikeleı jumys isteý jáne olardy salý boıynsha ózine mindettemeler alady, onyń ústine qazir jetkizý maýsymy, onyń ishinde ońtústiktegi kórshilerden bastalady jáne bul shema ótken jyly jaqsy nátıjeler kórsetti. Barlyq oblystar osy shemaǵa belsendi túrde qosylady.

Tórtinshiden, taýarlar tapshylyǵy oryn alǵan jaǵdaıda Turaqtandyrý qorlary men Memlekettik materıaldyq rezervter komıteti de taýar ınterventsııalaryn júrgize alady. Biraq mundaı tapshylyq bolady dep kútilmeıdi.

Besinshiden, jergilikti atqarýshy organdardyń belsendiligi pysyqtalýda jáne kóshpeli saýda baǵdarlary bekitiledi.

«Dúrlikpe jasaýdyń qajeti joq. Jergilikti atqarýshy organdar saýda nysandarymen birlesip, ónimniń qoljetimdiligin barynsha qamtamasyz etetin bolady. Tek iri saýda ortalyqtarynyń jumysy shektelgen, tek saýda-oıyn-saýyq bóliginiń jumysy toqtatylǵan, degenmen SOSO-lardaǵy fýd-korttarǵa ónimdi úıge jetkizýge kóshýge múmkindik berildi», — dep túıindedi B. Sultanov.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT