BAÁ men Qazaqstan 11 mlrd dollardyń ınvestıtsııalyq jobalaryn júzege asyrmaq
ÁBÝ-DABI. QazAqparat – Qazaqstan Prezıdenti Qasym-Jomart Toqaev Birikken Arab Ámirlikteriniń bıznes salasyndaǵy ókilderimen kezdesti, dep habarlaıdy QazAqparat tilshisi.
«Bizdiń yntymaqtastyǵymyz kópqyrly qarym-qatynas pen ártúrli baǵyty jaǵynan úlgi bola alady. Ámirlikter - osy aımaqtaǵy basty seriktesimiz. 2019 jyldyń qańtar-qarasha aılary aralyǵynda bizdiń taýar aınalymymyz ótken jyldyń sáıkes kezeńimen salystyrǵanda 10 paıyzǵa artyp, 500 mıllıon AQSh dollaryn qurady», - dedi Qasym-Jomart Toqaev kezdesýdiń ashylýynda.
Memleket basshysy osyǵan qaramastan bul baǵyttaǵy jumysty odan ary qaraı jalǵastyra berý kerektigin atap ótti.
«Arab Ámirlikterinen Qazaqstanǵa tartylǵan tikeleı ınvestıtsııa 2,1 mıllıard dollardy qurady. Al Qazaqstannan BAÁ-ge salynǵan ınvestıtsııasy 1 mıllıard dollarǵa jetti. Qazaqstanda Ámirlikterdiń 350-ge jýyq zańdy tulǵalary, uıymdary, ókildikteri tabysty jumys istep jatyr. Bizde quny 11 mıllıard dollar bolatyn birlesken ınvestıtsııalyq jobalardy júzege asyrý boıynsha aýqymdy jospar bar», - dedi Qazaqstan Prezıdenti.
Eske sala ketsek, buǵan deıin Memleket basshysy Qasym-Jomart Toqaev Birikken Arab Ámirlikterine resmı saparmen kelgeni habarlanǵan bolatyn.
Sapar aıasynda Birikken Arab Ámirlikteriniń astanasyndaǵy «Ál-Vatan» saraıynda Qazaqstan Prezıdenti Qasym-Jomart Toqaev pen Ábý-Dabı hanzadasy sheıh Muhammed ben Zaıd Ál Nahaıan kezdesti.
Erteń, ıaǵnı 28 qańtarda Dýbaı qalasynda Qasym-Jomart Toqaev BAÁ Vıtse-prezıdentimen, Premer-mınıstrimen, Dýbaı Ámirshisimen, sheıh Muhammed ben Rashıd Ál Maktýmmen kezdesip, Dýbaı halyqaralyq qarjy ortalyǵyna (DIFC) barady. Sondaı-aq, Prezıdent Birikken Arab Ámirlikterindegi kompanııalardyń basshylarymen kezdesedi.
Búgingi kezdesýge arab tarapynan 80-ge tarta bıznesmen qatysty.
- Túrkistanda ınvestıtsııalyq jobalar arqyly 1 myńnan astam adam jumyspen qamtylady
- ıAdrolyq qarýǵa tyıym salatyn shart: Qazaqstannyń syrtqy saıası vedomstvosy málimdeme jasady
- Ázerbaıjan qaıratkerleri «Abaı 175 jyl» medalimen marapattaldy
- Alekseı Tsoı Memleket basshysyna eldegi epıdemıologııalyq jaǵdaıdy baıandady
-
Prezıdent: Basty mindetimiz – áıelder men balalar quqyǵyn qorǵaý
-
Túrkııanyń Erzýrým qalasyndaǵy mektepke Ál-Farabı esimi berildi
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam