+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

BAÁ áýe kompanııalary Qazaqstan qalalaryna turaqty reısterdi ashpaq

2019 jylǵy 15 qarasha 11:14
Bólisińiz:
BAÁ áýe kompanııalary Qazaqstan qalalaryna turaqty reısterdi ashpaq

NUR-SULTAN. QazAqparat - Qazaqstanda Birikken Arab Ámirlikteriniń áýe kompanııalary reısterdi ashýdy josparlap otyr. Bul týraly Azamattyq avıatsııa komıteti málim etti, dep habarlaıdy QazAqparat.

Uqsas jańalyqtar
Beıbit Atamqulov áýe baǵdarlaryn sýbsıdııalaýǵa qatysty túsinik berdi Qazaqstan 99 halyqaralyq baǵyt boıynsha áýe qatynasyn ornatty

«QR Indýstrııa jáne ınfraqurylymdyq damý mınıstrligi «ashyq aspan» rejiminde Qazaqstanǵa jańa áýe kompanııalardy tartý boıynsha jumys júrgizýde. 2019 jyldyń 13-14 qarasha kúnderi Qazaqstan Respýblıkasy men Birikken Arab Ámirlikteriniń avıatsııalyq bılikteri arasynda kelissóz júrgizildi. Kelissózge «Fly Dubai», «Emirates Airlines», «Etihad Airways», «Air Astana», «SCAT» áýe kompanııalarynyń, sondaı-aq Qaraǵandy jáne Almaty qalalarynyń áýejaılarynyń ókilderi qatysty.

Nátıjesinde, eki eldiń taǵaıyndalǵan tasymaldaýshylaryna Qazaqstanda engizilgen 5-shi dárejedegi «áýe erkindigin» usynatyn «ashyq aspan» tártibi aıasynda turaqty reısterdi oryndaý úshin quqyqtyq baza bekitildi. Qol jetkizilgen ýaǵdalastyqtarǵa sáıkes, BAÁ-niń tasymaldaýshylary Qazaqstannyń Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı qalalarynan 5-shi «áýe erkindigin» usynatyn «ashyq aspan» tártibi aıasynda turaqty áýe tasymaldaryn oryndaýǵa quqyly», - jelingen komıtet málimetinde.

Qolda bar aqparatqa sáıkes, ámirliktiń áýe kompanııalary «Dýbaı-Aqtaý» baǵyty boıynsha turaqty áýe saparlaryn oryndaýdy josparlap otyr. Sondaı-aq, «Emirates Airlines» áýe kompanııasynyń 2021 jyly jańa A330 jáne A350 áýe kemelerin alǵannan keıin, eki el arasynda tikeleı turaqty reısterdi ashý boıynsha jospary bar.

Aıta ketý kerek, Memleket Basshysy Qasym-Jomart Toqaevtyń tapsyrmasyn oryndaý maqsatynda 2019 jyldyń 1 qarashasynan bastap, Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı qalalarynyń áýejaılarynda reıster sanyna shekteýlerdi alyp tastaýdy jáne sheteldik áýe kompanııalaryna 5-shi áýe erkindigin usynýdy kózdeıtin «ashyq aspan» rejımi engizildi. «Ashyq aspan» rejımi odan ári uzartý múmkindigimen 3 jyldyq merzimge qoldanylady.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT