Azyq-túliktiń qymbattaýy: Asqar Mamın sheneýnikterdi jaýapqa tartýdy tapsyrdy

NUR-SULTAN. QazAqparat - Búgin Úkimet otyrysynda QR Premer-Mınıstri Asqar Mamın azyq-túlik baǵasynyń ósýine jol bergen birqatar sheneýnikti jaýapkershilikke tartýdy tapsyrdy, dep habarlaıdy QazAqparat tilshisi.

«Múddeli memlekettik organdar qatarynan jumys tobyn quryp, bir apta ishinde áleýmettik mańyzy bar taýarlardyń baǵasyn turaqtandyrý boıynsha qysqa jáne orta merzimge arnalǵan naqty sharalar ázirlensin. Roman Sklıar jumys tobyn basqarýdy sizge tapsyramyn», - dedi Asqar Mamın orynbasaryna qarata.

Sonymen qatar ol Premer-Mınıstrdiń Keńsesine 3 kúnniń ishinde azyq-túlik taýarlaryna baǵa ósiminiń aldyn alýǵa jaýap beretin Aýyl sharýashylyǵy, Ulttyq ekonomıka, Saýda jáne ıntegratsııa vıtse-mınıstrlerin tártiptik jaýapkershilikke tartý týraly usynys engizýdi tapsyrdy.

«Shymkent jáne Almaty qalalarynyń, Qyzylorda, Túrkistan, Aqmola, Soltústik Qazaqstan, Aqtóbe, Jambyl oblystarynyń ákimderiniń orynbasarlaryn belgilengen tártippen jaýapkershilikke tartyp, Úkimetti habardar etsin», - dedi Premer-Mınıstr.