+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Azyq-túlik baǵasyn turaqtandyrýǵa basa nazar aýdarylýda - Qyzylorda oblysy

2021 jylǵy 27 shilde 06:29
Bólisińiz:
Azyq-túlik baǵasyn turaqtandyrýǵa basa nazar aýdarylýda - Qyzylorda oblysy

QYZYLORDA. QazAqparat - Qyzylorda oblysy turǵyndarynyń kókónis pen jemis-jıdekke suranysyn qanaǵattandyrý maqsatynda tıisti is-sharalar qolǵa alynǵan, dep habarlaıdy QazAqparat tilshisi.

Uqsas jańalyqtar
Kókshetaýda arzan azyq-túlik taýarlarynyń jármeńkesi ótip jatyr QR Prezıdentiniń BUU Azyq-túlik júıeleri sammıtinde sóılegen sóziniń tolyq mátini Memleket basshysy álemdegi azyq-túlik tapshylyǵy týraly aıtty

Óńirde áleýmettik mańyzy bar taýarlar baǵalarynyń ósý ındeksi jyl basymen salystyrǵanda 110,2%-dy qurady. Ol ortasha respýblıkalyq kórsetkishten 0,3% tómen.

Aımaqta kókónis pen jemis-jıdek ónimderi baǵalarynyń ósýi baıqalýda. Oǵan basty sebep - kartop, sábiz, pııaz qory azaıǵan. Qoımadaǵy ótken jylǵy kúzgi ónimder taýsyldy.

Oblysty kókónis jáne jemis-jıdekpen qamtamasyz etý maqsatynda bul ónimder elimizdiń ońtústik oblystary jáne kórshiles Ózbekstannan jetkizilýde. Jazǵy ýaqytta turaqtandyrý qorynda nemese ózge de qoımalarda aýqymdy kólemde jańa ónimder kólemderin jetkizip, saqtaý múmkin emes. Jańa pisken kartop pen sábiz tez buzylýǵa beıim. Jalpy, kartop jáne kókónis baǵalary kóktem jáne erte jazda kúrt kóterilýi jylda baıqalatyn qubylys. Osy oraıda Túrkistan oblysy ákimdigi arqyly sol óńirdegi erte pisetin kartop, sábiz óndirýshilerimen baılanys ornatyldy. Qazirgi ýaqytta ónimderdi tikeleı jetkizý jumystaryn úılestirý úshin aýdan jáne qala kásipkerlerimen tıisti jumystar júrgizilýde.

Búgingi tańda oblys naryǵynda kartop 140-150, sábiz 260-300 teńgeden satylýda. Jergilikti jerde pııaz áli pisip jetilmegen. Sondyqtan Ózbekstan, Tájikstanda óndirilgen atalǵan ónim oblys naryǵynda bólshek baǵasynda 100-110 teńge bosatylýda. Túrkistan oblysynyń Saryaǵash óńirinde ósken qyryqqabat óńir naryǵynda qalyptasqan suranys pen usynysqa sáıkes 140-150 teńgeden berilýde.

Sonymen qatar, baǵany retteý úshin tıisti sharalar qabyldanyp jatyr.

Máselen, baǵany turaqtandyrý maqsatynda turaqtandyrý qory jumys jasaıdy.

Búgingi kúnge turaqtandyrý qorynda 1070,7 tonna ónim bar. Onyń ishinde birinshi sortty bıdaı uny - 616,5, kúrish - 99,8, qant - 235,4, makaron - 74, qaraqumyq jarmasy - 21,9, sút - 23,1 tonnany quraıdy. Qazirgi tańda «aınalym shemasy» arqyly kásipkerlerge zaem berý tásili qoldanylýda.

Búginde atalǵan joba boıynsha 5 kásipkerlik sýbektilerine 560 mln teńge qaryz berilgen. Osyǵan qol jetkizgen kásipkerlerdiń mindettelgen ónimderi Qyzylorda qalasynda ornalasqan 30 áleýmettik dúkende jáne qalanyń 5 iri sýpermarket jelisinde («Mıras», «Al-Asad» dúkender jelisiniń 8, «Ajar Sıtı» dúkender jelisiniń 2 fılıalynda, «Anvar», «Qyzylorda Optomarket») kelisim boıynsha ashylǵan áleýmettik buryshtarda naryq baǵasynan tómen usynylady. Bıyl qosymsha 5 áleýmettik dúkenderdi paıdalanýǵa berý josparlanýda.

Áleýmettik saýda oryndaryndaǵy ónimderdiń baǵasyna kún saıyn monıtorıng júrgiziledi. Oǵan «Baıqońyr» áleýmettik-kásipkerlik korporatsııasy tarapynan bekitilgen jaýapty qyzmetkerler turaqty baqylaý jasaıdy.

Jalpy áleýmettik dúkender men buryshtarda áleýmettik mańyzy bar azyq-túlik taýarlary naryqtan birshama tómen baǵada satylýda. Búgingi kúnge oblysta saýda oryndarynda azyq-túlik taýarlarynyń qory jetkilikti.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT