+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Azııa chempıonaty: Voleıboldan Qazaqstan quramasy Japonııadan jeńilip qaldy

2019 jylǵy 19 tamyz 14:52
Bólisińiz:
Azııa chempıonaty: Voleıboldan Qazaqstan quramasy Japonııadan jeńilip qaldy

NUR-SULTAN. QazAqparat - Ońtústik Koreıada ótip jatqan voleıboldan qyzdar arasyndaǵy Azııa birinshiliginde Qazaqstan quramasy Japonııadan jeńilip qaldy, dep habarlaıdy QazAqparat tilshisi.

V tobyndaǵy ekinshi kezdesýinde qazaqstandyq qyzdar úsh sette de qarsylasyna ese jiberip qoıdy. Birinshi sette quramamyz olarǵa 19:25 esebimen jol berdi. Kelesi set tartysty ótti. Degenmen japon qyzdary 25:23 esebimen basym tústi. Sońǵy sette olar 25:16 esebimen jeńdi. Osylaısha bizdiń qurama jalpy nátıje boıynsha 0:3 esebimen jeńilip qaldy.

Esterińizge sala ketelik, Azııa birinshiliginiń alǵashqy oıynynda bizdiń qyzdar Avstralııadan 3:0 esebimen basym túsken bolatyn. Atalmysh toptaǵy taǵy bir kezdesýde Úndistan quramasy Avstralııadan 1:3 esebimen jeńilip qaldy.

Bul topta 6 upaımen Japonııa kósh bastap tur. Odan keıingi oryndardaǵy Qazaqstan men Avstralııanyń enshisinde úsh-úsh upaıdan bar. Al Úndistan qyzdary alǵashqy eki kezdesýinde de qarsylastaryna ese jiberip qoıdy. Endi bizdiń qyzdar 20 tamyzda Úndistanmen kezdesedi.

Búgingi qarsylasymyz Azııa qurlyǵyndaǵy tájirıbeli quramanyń biri sanalady. Japon qyzdary buǵan deıin 1975, 1983, 2007, 2017 jyldarda chempıon atanyp úlgerdi. Sondaı-aq, olar Olımpıada oıyndarynda (1964, 1976) jáne álem chempıonatynda (1962, 1967, 1974) chempıondyq tuǵyrǵa kóterildi.

Bizdiń qyzdar Azııa birinshiliginde bıyl toǵyzynshy márte qatysyp otyr. Quramamyz 2005 jyly kúmis júldeger atanǵan bolatyn. Sol jyly fınalda Japonııaǵa 0:3 esebimen jeńilip qaldy. Qyzdarymyz ózderi qatysqan qalǵan Azııa birinshiliginde alǵashqy ondyqtan kórinip keledi.

Azııa chempıonatynda 13 qurama baq synaıdy. Olar tórt topqa bólingen. A tobynda Ońtústik Koreıa, Gonkong, Iran, S tobynda Taıland, Jańa Zelandııa, Taıvan, D tobynda Qytaı, Indonezııa, Shrı-Lanka quramalary synǵa túsedi. Bizdiń qurama V tobynda Japonııa, Avstralııa jáne Úndistan quramalarymen jarystyń kelesi satysyna beriletin eki joldamaǵa talasady. Azııa birinshiligi 25 tamyzda máresine jetedi.


Bizdiń kanalymyzǵa jazylyńyz:

Basty sózder: Sport,
Bólisińiz:

Aýdarma:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT