Ajar Ǵınııat Shymkent perzenthanasynda qaza tapqandardyń otbasylaryna kóńil aıtty
2022 jylǵy 21 mamyr 22:53

Ajar Ǵınııat Shymkent perzenthanasynda qaza tapqandardyń otbasylaryna kóńil aıtty

NUR-SULTAN. QazAqparat – QR Densaýlyq saqtaý mınıstri Ajar Ǵınııat Shymkent perzenthanasynda qaza tapqandardyń otbasylaryna kóńil aıtty, dep habarlaıdy QazAqparat.

«Shymkent qalasyndaǵy oblystyq perınataldyq ortalyqta bolǵan qaıǵyly oqıǵanyń qurbandaryna shyn júrekten kóńil aıtamyn.

Dál qazirgi ýaqytta jaǵdaı Densaýlyq saqtaý mınıstrliginiń baqylaýynda tur. Zardap shekkenderdi qalanyń medıtsınalyq uıymdarynda statsıonarlyq jaǵdaıda emdeý úshin barlyq sharalar qabyldanýda.

Budan basqa, Túrkistan oblysy boıynsha júkti jáne jańa týǵan nárestelerdi baǵyttaýdy uıymdastyrý jáne ózgertý boıynsha jumystar shuǵyl túrde júzege asyrylýda» dep jazdy Ajar Ǵınııat Feısbýktegi paraqshasynda.

Mınıstrdiń aıtýynsha, Túrkistan oblysynyń Densaýlyq saqtaý basqarmasyn ýaqytsha óńirlendirý týraly tıisti buıryq daıyndalyp, óńir ákiminiń orynbasary bastaǵan oblystyq klınıkalyq aýrýhanada jumys shtaby quryldy.

Oqıǵa ornyna QR DSM Ana men bala densaýlyǵyn qorǵaý departamentiniń basshysy bardy.

Aıta keteıik, buǵan deıin Shymkenttegi perınataldyq ortalyqtyń qasyndaǵy dári saqtaıtyn eki qabatty ǵımaratta jarylys bolǵanyn habarladyq. Perzenthana ǵımaraty men turǵyn úıge zaqym kelip, ondaǵy adamdar qaýipsiz jerge kóshirilgen edi. Shymkenttegi jarylystan kúzetshimen qosa bir náreste shetinegeni málim boldy.
Keıinirek jarylystan úshinshi adamnyń qaıtys bolǵany habarlandy.



Jańalyqtar

MURAǴAT