Ajar Ǵınııat maska rejımi týraly: Aýrýhanalardyń júktelimi alty-aq paıyz
2022 jylǵy 1 shilde 10:58

Ajar Ǵınııat maska rejımi týraly: Aýrýhanalardyń júktelimi alty-aq paıyz

NUR-SULTAN. QazAqparat – Elordada ótip jatqan Halyqaralyq neırohırýrgııa forýmynyń kýlýarynda QR Densaýlyq saqtaý mınıstri Ajar Ǵınııat eldegi epıdemıologııalyq ahýal týraly pikir bildirdi, dep habarlaıdy QazAqparat tilshisi.

«Dál búginde respýblıka boıynsha qorqynyshty jaǵdaı joq – «jasyl» aımaqtamyz. Bizdiń aýrýhanalarymyzda júzdegen adam em alyp jatyr. Aýrýhananyń alty-aq paıyzǵa toly. Sonyń ishinde 4 adamnyń densaýlyq jaǵdaıy nashar degen qorytyndymen dárigerleriń baqylaýyna alyndy», - dedi mınıstr BAQ ókilderiniń saýalyna bergen jaýabynda.

Onyń málimeti boıynsha, respbýlıka «jasyl» aımaqta turǵandyqtan, ázirge maska rejımin engizý kún tártibinde turǵan joq.

«Ózderińiz bilesizder, elimizde epıdemıologııalyq jaǵdaıdy baqylaıtyn matrıtsa bar. Eger óńirler «jasyl» nemese «qyzyl» aımaqtarǵa ense, tıisti sanıtarlyq-epıdemıologııalyq sharalar qoldanylady. Qazirgi jaǵdaıda «jasyl» aımaqta bolǵandyqtan ondaı sharalar joq. Al eger «sary» aımaqqa kirgen keıbir óńirlerde aýrýshańdyq kóbeıip, qandaı da bir qaýip-qater týyndasa, mınıstrlik tarapynan, sanıtalyq-epıdemıologııalyq dárigerdiń tarapynan tıisti sharalar qoldanylady. Búgingi tańda alańdaýǵa esh negiz joq. Biraq aldymyzdy oılap, qandaı da bir sharalardy josparlap qoıamyz», - dedi Ajar Ǵınııat.

Aıta keteıik, ótken táýlikte elimizde 189 adamnan koronavırýs anyqtaldy.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT