+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ázerbaıjanda qyzmetkerlerden koronavırýs pasporty talap etilmek

2021 jylǵy 22 maýsym 19:43
Bólisińiz:
Ázerbaıjanda qyzmetkerlerden  koronavırýs pasporty talap etilmek

BAKÝ. QazAqparat – Ázerbaıjannyń Mınıstrler kabıneti janyndaǵy jedel shtab «Erekshe karantındik rejımdi uzartý jáne keıbir shekteýlerdi alyp tastaý jónindegi sharalar týraly» qaýlyǵa tıisti ózgerister engizdi, dep habarlaıdy QazAqparat tilshisi.

Uqsas jańalyqtar
Shvetsııada 65 jastan asqan turǵyndardyń 89%-y COVID-19-ǵa qarsy vaktsına aldy Qyzylordada ustazdar vaktsına saldyrýda belsendilik tanytyp otyr Aqtóbede koronavırýs ınfektsııasyna qarsy vaktsına qalaı saqtalady

Ózgeristerge sáıkes, 2021 jyldyń 1 shildesinen bastap COVID-pasporttary bar degen talap qoıylǵan eńbek jáne qyzmet kórsetý qyzmetkerleriniń kem degende 80%-da COVID-19-dan alǵashqy dozada vaktsına alýy nemese COVID-19-ǵa qarsy ımmýnıtet týraly sertıfıkaty, sonymen qatar 2021 jyldyń 1 tamyzynan bastap COVID pasporty bolýy kerek.

1 shildeden bastap Ázerbaıjanda 150-den aspaıtyn adamnyń qatysýymen toı, týǵan kúnder ótkizýge bolady. Merekelik is-sharalardy ótkizýdiń negizgi sharty – 18 jastan asqan barlyq qonaqta COVID-19-pasportynyń bolýy. Qyzmet kórsetetin personaldyń (mýzykanttardan basqa) medıtsınalyq maskalardy, qolǵaptardy jáne basqa da jeke qorǵanys quraldaryn merekelik rásimde qoldanýy mindetti.

Eldiń mınıstrler kabınetinde atap ótkendeı, bul qadamdar sońǵy aılarda COVID-19 juqtyrý jaǵdaılarynyń azaıýyna jáne jalpy epıdemıologııalyq jaǵdaıdyń oń jaqqa ózgerýine baılanysty. Vedomstvo vaktsınalaý protsesin tabysty júrgizý erekshe karantın rejımi aıasynda engizilgen birqatar shekteýlerdi alyp tastaýǵa qosymsha múmkindikter beretinin aıtty.

Esterińizge sala keteıik, sońǵy táýlikte Ázerbaıjanda koronavırýs ınfektsııasyn juqtyrýdyń 28 jaǵdaıy, ólimniń 1 jaǵdaıy anyqtaldy.

Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT