+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Ázerbaıjanda Qazaqstannyń saýda úıi ashylady

2020 jylǵy 21 qyrkúıek 16:10
Bólisińiz:
Ázerbaıjanda Qazaqstannyń saýda úıi ashylady

BAKÝ. QazAqparat – Bakýde ekijaqty saýdany nyǵaıtýǵa, ınvestıtsııalyq jáne saýda-ekonomıkalyq baılanysty keńeıtýge arnalǵan Qazaqstannyń saýda úıi tirkeldi. Bul týraly «QazAqparat» tilshisine Saýda úıiniń bas dırektory, ázerbaıjandyq kásipker Rýfat Rzaev aıtyp berdi.

«Qazaqstan elshisi Serjan Ábdikarımovpen kezdesý kezinde maǵan Qazaqstannyń jáne Ázerbaıjannyń saýda naryǵyn biletin adam retinde Qazaqstannyń Saýda úıin qurý týraly usynys aıtyldy, sebebi ÁR-da buryn-sońdy mundaı qurylym bolmaǵan. Barlyǵyn zertteı kele seriktestikke kelistim. Onyń ústine Nur-Sultanda Ázerbaıjannyń Saýda úıi jumys istep tur», - dedi ol.

Saýda úıin qurýdyń paıdasy qandaı degen suraqqa jaýap bere otyryp, Qazaqstanda sapaly taýarlar óndirilgenimen Ázerbaıjanda qazaqstandyq ónim tanymal emes ekenin atap ótti. Alǵashqy kezeńde Ázerbaıjannyń saýda naryǵynda qazaqstandyq azyq-túlik pen aýylsharýashylyǵy ónimderin jáne halyq tutynýǵa arnalǵan taýarlardy usynamyz, sodan keıingi kezeńde jeńil jáne toqyma ónerkásibin qosamyz, dedi Rýfat myrza.

Sonymen qatar, suhbattasýshy qazaqstandyq kásiporyndarǵa iskerlik ahýal jáne ÁR-daǵy ınvestıtsııalyq jobalar boıynsha aqparattyq keńes berýge daıyn ekendikterin atap ótti.

«Bul ıdeıa pandemııaǵa deıin aıtylǵan edi. Biraq sheshim qabyldaýǵa ýaqyt qajet boldy jáne karantın shekteýlerine baılanysty Qazaqstannyń saýda úıin ashý josparyn keıingi shegýge týra keldi. Degenmen, shekteýge qaramastan qazaqstandyq óndirýshiler jáne eksporttaýshylarmen beınekezdesý ótkizip, zańdy tulǵany tirkedik. Tikeleı áýereısteri ashylǵannan keıin qazaqstandyq ónimdi jetkizýshilerdiń Bakýge kelýi men ázerbaıjandyq seriktester men dıstrıbıýterlerge arnalǵan taýarlar kórmesin uıymdastyramyz. Saıt pen áleýmettik jelilerden paraqsha ashýdy josparlap otyrmyz», - dep josparymen bólisti kásipker.

Áńgime sońynda ol Ázerbaıjandaǵy saýda-ekonomıkalyq jáne ınvestıtsııalyq jobalarǵa qyzyǵýshylyq tanytqan barlyq qazaqstandyq kásipkerlerdi Saýda úıine shaqyrdy.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT