+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Ázerbaıjanda karantın sharalary jeńildetildi

2021 jylǵy 25 qyrkúıek 13:06
Bólisińiz:
Ázerbaıjanda karantın sharalary jeńildetildi

BAKÝ. QazAqparat – Ázerbaıjanda vaktsına alǵan azamattar qatary kóbeıip jatyr, sonymen qatar elde vırýs juqtyrý qarqyny tómendeýde. Osyǵan baılanysty Ázerbaıjannyń mınıstrler kabıneti janyndaǵy jedel shtab eldegi qatań karantın rejımin jeńildetý týraly sheshim qabyldady, dep habarlaıdy QazAqparat tilshisi.

Uqsas jańalyqtar
Ázerbaıjanda jalǵan vaktsınatsııa pasportyn jasatqandar 5 jylǵa deıin túrmege qamalady Koronavırýs: Danııa barlyq shekteýlerdi alyp tastady DDU: Álemde koronavırýstan 180 myń medqyzmetker kóz jumdy

Jedel shtabtyń qaýlysyna sáıkes, 2021 jyldyń 1 qazanynan bastap demalys kúnderi qoǵamdyq transporttyń jumysyna qoıylǵan shekteý alynyp tastalady.

Odan bólek, 1 qazannan bastap mádenıet nysandarynyń, atap aıtqanda kontsert zaldary, sonymen qatar konferents-zaldar, kınoteatrlar men teatrlar jumysy qaıta jandanady. Alaıda atalmysh zaldardy tek 50%-ǵa deıin toltyrýǵa ruqsat etilgen. Jumysyn qaıta jandandyratyndar qatarynda demalys jáne oıyn-saýyq ortalyqtary, balalar oıyn-saýyq ortalyqtary bar.

Jumys isteýge ruqsat etilgen nysandar 00:00-ge deıin qyzmet kórsete alady. 18 jastan joǵary azamattarǵa bul jerlerge barý úshin COVID-pasport nemese COVID-19-ǵa qarsy vaktsına alýǵa bolmaıtyny jóninde sertıfıkat talap etiledi. Al atalmysh jerlerde jumys isteıtin mamandar men jumysshylardyń 80%-da osyndaı qujat bolýy kerek.

Jedel shtab engizgen ózgerister turaqty reıster jolaýshylaryna da qatysty. Mysaly, 1 qazannan bastap eldiń qalalary men aýdandary arasynda temirjol jáne avtokólik transporttaryn paıdalanýshylar COVID-pasport kórsetýge mindetti. Alaıda pasport Baký men Sýmgaıyt qalalary arasynda, sonymen qatar Absheron aýdanynyń aýmaǵynda jolaýshylardy tasymaldaý kezinde suralmaıdy. Taksı qyzmetin paıdalaný úshin de pasport mindettelmeıdi.

Atap óteıik, eldegi vaktsına alǵan azamattar sany 8 227 729-ǵa jetti. Olardyń ishinde birinshi dozany alǵandar sany – 4 683 453, al ekinshi dozany alǵan azamattar sany – 544 276.


Bizdiń kanalymyzǵa jazylyńyz:

Bólisińiz:

Avtor:

Bıbihan Serikova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT