Azamattyq qorǵanys jáne áskerı bólimder komıtetine jańa basshy keldi

NUR-SULTAN. QazAqparat - Polkovnık Baýyrjan Syzdyqov Qazaqstan Respýblıkasy Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń tóraǵasy laýazymyna taǵaıyndaldy, dep habarlaıdy QazAqparat.

Uqsas jańalyqtar

QR Ekologııa, geologııa jáne tabıǵı resýrstar vıtse-mınıstri taǵaıyndaldy

Mońǵolııada jańa Premer-mınıstr taǵaıyndaldy Qanat Sársembaev Bilim jáne ǵylym mınıstrliginiń apparat basshysy bolyp taǵaıyndaldy Atyraý oblysy ákiminiń jańa orynbasary taǵaıyndaldy

Baýyrjan Mádiuly Syzdyqov 1973 jylǵy 14 maýsymda Shymkent oblysy Bógen aýdany Zadarıa aýylynda dúnıege kelgen.

2000 jyly Qazaq Memlekettik medıtsınalyq ýnıversıtetin bitirgen, gıgıenıst-epıdemıolog dárigeri, 2010 jyly Reseı Federatsııasy Tótenshe jaǵdaılar mınıstrliginiń Azamattyq qorǵaý akademııasyn bitirgen, «komandalyq-shtabtyq operatıvti-taktıkalyq azamattyq qorǵanys» mamandyǵy boıynsha basqarý salasyndaǵy mamany, 2019 jyly Máskeý qalasyndaǵy «Sınergııa» Máskeý qarjy-ónerkásip ýnıversıtetin bitirgen. Quqyqtaný magıstri.

2001-2009 jyldar aralyǵynda Ońtústik Qazaqstan oblysy TJ basqarmasynyń aǵa ofıtseri, 2010-2012 jyldar aralyǵynda QR TJM Azamattyq qorǵanys departamentiniń halyq pen aýmaqty qorǵaý basqarmasynyń bastyǵy qyzmetin atqarǵan. 2012-2014 jyldar aralyǵynda QR TJM Aqtóbe oblysy TJD bastyǵynyń orynbasary, 2014-2015 jyldar aralyǵynda QR ІІM TJK Aqtóbe oblysy Tótenshe jaǵdaılar departamentiniń bastyǵy, 2015-2019 jyldar aralyǵynda QR ІІM TJK Aqtóbe oblysy Tótenshe jaǵdaılar departamentiniń bastyǵy bolǵan.

2019 jyldyń qarasha aıynan bastap QR ІІM TJK Nur-Sultan qalasy Tótenshe jaǵdaılar departamentiniń bastyǵy qyzmetin atqaryp keldi.