+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Azamattardyń soltústik óńirlerge kóshýine járdemdesý turaqty baqylaýda - Úkimet

2021 jylǵy 20 mamyr 11:40
Bólisińiz:
Azamattardyń soltústik óńirlerge kóshýine járdemdesý turaqty baqylaýda - Úkimet

NUR-SULTAN. QazAqparat – Azamattardyń soltústik óńirlerge kóshýine járdemdesý máseleleri Úkimettiń turaqty baqylaýynda. Bul jaıynda Májilis depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

Uqsas jańalyqtar
Qazaqstannyń birneshe óńirinde zańsyz jumys istep júrgen sheteldikter anyqtaldy Sheteldikterdiń zań buzýyna qazaqstandyqtardyń ózderi kómektesedi - ІІM 14 myńnan astam sheteldik Qazaqstannyń kóshi-qon zańnamasyn buzǵan

«Soltústik óńirlerdegi demografııalyq ahýaldyń ózektiligin eskere otyryp, Úkimet ońtústikten soltústik óńirlerge azamattardyń qonys aýdarýyn yntalandyrý boıynsha júıeli is-sharalar qabyldaýda. Qonys aýdarýdy yntalandyrýǵa baǵyttalǵan is-sharalar Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda júzege asyrylýda. Sonymen qatar, qonys aýdarýshylar úshin memlekettik qoldaý is-sharalaryn kúsheıte otyryp, baǵdarlama Ulttyq jobaǵa (dárejesi - red) ózgertiledi», - delingen jaýapta.

Úkimet basshysynyń atap ótýinshe, Ulttyq jobada qonys aýdarýshylardy qoldaý boıynsha turǵyn úıdi jaldaýǵa (jalǵa alýǵa) sýbsıdııalar tóleý túrinde quraldar saqtalady. Qonys aýdarýshylardy óz betinshe qabyldaıtyn jáne jumysqa ornalastyratyn jumys berýshilerdi qoldaý boıynsha is-sharalar kúsheıtiledi.

«Baǵdarlama iske asyryla bastaǵannan beri 27 myńnan asa adam jumys kúshi tapshy óńirlerge kóshti. Atalǵan tetikti ózektendirý maqsatynda Memleket basshysynyń tapsyrmasy boıynsha kóshýge sýbsıdııalar mólsheri otbasynyń árbir múshesine 35 AEK-ten 70 AEK-ke deıin arttyryldy», - delingen Premer-Mınıstr jaýabynda.

Keltirilgen aqparatqa qaraǵanda, aqpan aıynda Elektrondyq eńbek bırjasy bazasynda qonys aýdarýshylarǵa arnalǵan biryńǵaı aqparattyq resýrs quryldy. Aqparattyq resýrs erikti túrde qonys aýdarýdy uıymdastyrýdy reglamentteıtin normatıvtik quqyqtyq aktiler, qabyldaý óńirlerinde bos jumys oryndarynyń bolýy, turǵyn úıdiń bolýy jáne onyń baǵasy, qonys aýdarýǵa kvotanyń bolýy, óńirdiń/aýdannyń, aýyldyń pasporty, sondaı-aq qonys aýdarýdy uıymdastyrý jónindegi oń mysaldar týraly aqparatty qamtıdy.

«Qonys aýdarýshylardyń turǵyn úı máselelerin sheshý úshin Soltústik Qazaqstan oblysynda turǵyn úı satyp alý tetigi iske asyrylýda. Osylaısha, búgingi kúni 1 myńnan astam turǵyn úı satyp alyndy. Tańdaýdy keńeıtý maqsatynda qonys aýdarýshylardyń kelý aımaqtary Aqmola jáne Qaraǵandy oblystarymen tolyqtyryldy. Budan bólek kóship kelýshilerde baǵdarlama aıasynda granttar, mıkrokredıt alyp, mal, ósimdik sharýashylyǵymen aınalysýǵa múmkindik bar. Jeńildetilgen kredıtter qonys aýdarýshylardyń qarjylyq jaǵdaıyn jaqsarta otyryp, olardyń sapaly básekege qabiletti ónim óndirýin jáne sharýashylyqtarynyń odan ári damýyn yntalandyrady», - delingen jaýapta.

Asqar Mamın jumys kúshi jetispeıtin aımaqtardaǵy mektep túlekterin daıarlaý úshin jumys kúshi jetispeıtin aımaqtardyń bilim berý mekemelerinde «Serpin» jobasy júzege asyrylyp jatqandyǵyn atap ótedi. 2014 jyldan beri 25 myńǵa jýyq jas «Serpin» jobasyna qatysqan.

«Óńirler halqynyń demografııalyq tepe-teńdigin keshendi sheshý jańa Kóshi-qon saıasatynyń 2022-2026 jyldarǵa arnalǵan tujyrymdamasy aıasynda ishki kóshi-qonnyń damýyna yqpaldasýdy jáne memlekettik qoldaý sharalaryn kúsheıtý máselelerin (jumys kúshi tapshy óńirlerge qonys aýdarý úshin yntalandyrý, turaqty jumyspen qamtý jáne turǵyn úımen qamtamasyz etý, jumys kúshi tapshy óńirlerge qonys aýdarǵan adamdardy ustap qalý) sheshýdi kózdeıdi. Azamattardyń soltústik óńirlerge kóshýine járdemdesý máseleleri Qazaqstan Respýblıkasy Úkimetiniń turaqty baqylaýynda», - delingen jaýapta.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT