+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Azamat Birjanov: Prezıdenttik jastar kadr rezervi — merıtokratııa men ashyqtyqtyń aıqyn belgisi

2020 jylǵy 2 aqpan 11:41
Bólisińiz:
Azamat Birjanov: Prezıdenttik jastar kadr rezervi — merıtokratııa men ashyqtyqtyń aıqyn belgisi

KÓKShETAÝ. QazAqparat - «Nur Otan» partııasy Aqmola oblystyq fılıaly tóraǵasynyń orynbasary Azamat Birjanov Prezıdenttik jastar kadr rezervi týraly pikir bildirdi, dep habarlaıdy QazAqparat tilshisi.

Azamat Birjanovtyń aıtýynsha, elimiz úshin ótken jyldyń jáne bıylǵy jyldyń mán-mańyzy erekshe. Elbasy Nursultan Ábishuly Nazarbaevtyń bastamasymen barsha el bolyp Jastar jylyn ótkizildi. Aldymyzda Eriktilikter jyly – ıgi isterdiń jyly bolmaq. Elimizde patrıottardyń jańa býyny qalyptasady degen senim mol. Memleket bilimdi ári básekege qabiletti urpaq tárbıeleý isine aıryqsha mán berip otyr. Jalpy, elimizdegi bastamalardyń barlyǵy jas býynnyń jarqyn bolashaǵy úshin qolǵa alyndy.

«Jastarymyzdyń jan-jaqty damýyna jaǵdaı jasaldy. Endi ynta jastardyń qolynda. Bıznes jasaımyn deseń az paıyzdyq mólsherlememen nesıe berilýde, aýylǵa baryp qyzmet etem deseń «Dıplommen aýylǵa!» baǵdarlamasy qarqyn alyp jatyr. Tek Aqmola oblysy boıynsha ǵana 4,5 myń jas maman bul baǵdarlamamen qyzmetin jasap júr, bilimimdi shyńdaımyn deseń «Bolashaq» baǵdarlamasy arqyly kez kelgen memleketke esik ashyq. Al byltyrdan bastap saıasat pen memlekettik basqarý júıesinde qyzmet etip, jańa ıdeıa men nátıjeli jumys jasap, el damýyna paıdasy tıgizemin deıtin jastarǵa Prezıdenttik jastar kadrlyq rezervine jol ashyq», - deıdi Azamat Birjanov.

Osy rette, ol bul merıtokratııa men ashyqtyqtyń aıqyn belgisi ekenin aıtýda. Memleket basshysy Qasym-Jomart Toqaevtyń Saılaýaldy baǵdarlamasynda aıtylǵan bul jobaǵa árbir jas azamat baq synap, alǵa shyǵýy múmkin.

«Osynyń dáleli 300 jastarymyz «Júzden – júırik, myńnan – tulpar» bolyp, úzdik atandy. Men de táýekelge bel býyp qatystym, barlyǵy da aıtarlyqtaı ońaı, talaptary men sharty túsinikti. Uly Abaıdyń «Paıda oılama, ar oıla, Talap qyl artyq bilýge» degen ósıetin únemi este ustaı otyryp, basqa da jastarmen baq synaýǵa kirsip, ekinshi kezeńnen shalyndym. Barlyǵy da durys, ádiletti ótti. Testileýde suraqtarǵa jaýap bergenshe ýaqytym taýysylyp, 29 ball ǵana jınap shekti deńgeıdi óte almadym. Esh moıymaımyn, kelesi jylǵa daıyndalyp, ózimdi qaıta synamaqpyn. Elimizdiń barlyq jastaryna týǵan elimizdi sheksiz qadirlep, oǵan adal qyzmet etip, ultjandy, otanshyl patrıot retinde kúsh-jigerimizdi Qazaqstandy jańa belesterge kóterýge jumsaıyq. Ultqa qyzmet etý bilimnen emes, minezden!» - dep túıindedi Azamat Birjanov.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT