Azamat Beıisbekov Eńbek mınıstrliginiń apparat basshysy bolyp taǵaıyndaldy
2022 jylǵy 27 maýsym 19:53

Azamat Beıisbekov Eńbek mınıstrliginiń apparat basshysy bolyp taǵaıyndaldy

NUR-SULTAN. QazAqparat - Qazaqstan Respýblıkasy eńbek jáne halyqty áleýmettik qorǵaý mınıstriniń buıryǵymen Azamat Ómirzaquly Beıisbekov QR EHÁQM apparatynyń basshysy bolyp taǵaıyndaldy. Bul týraly Úkimettiń saıtyna silteme jasap QazAqparat habarlaıdy.

Osy qyzmetti atqaryp kelgen Aıda Dádenqyzy Qurmanǵalıeva E ńbek jáne halyqty áleýmettik qorǵaý mınıstriniń buıryǵymen jumystan bosatyldy.

Azamat Beıisbekov 1985 jyly Qaraǵandy qalasynda dúnıege kelgen.

E. Bóketov atyndaǵy Qaraǵandy memlekettik ýnıversıtetin támamdaǵan. Prezıdenttik jastar kadr rezerviniń múshesi.

Eńbek jolyn 2009 jyly QR Kedendik baqylaý komıtetiniń kedendik rásimdeý mamanynyń mindetin atqarýshy bolyp bastaǵan.

2009-2011 jyldary — QR Indýstrııa jáne jańa tehnologııalar mınıstrligi Indýstrııalyq-ınnovatsııalyq damýdy salaaralyq úılestirý departamentiniń sarapshysy, bas sarapshysy.

2011-2012 jyldary — QR Premer-Mınıstri Keńsesiniń ındýstrııalyq-ınnovatsııalyq damý bóliminiń bas sarapshysy, bas konsýltanty.

2012-2015 jyldary QR Prezıdenti Ákimshiliginde túrli laýazymdarda qyzmet etti.

2015-2020 jyldary — QR Qaýipsizdik Keńesiniń Áskerı qaýipsizdik jáne qorǵanys bóliminiń konsýltanty; ınspektory; sektor meńgerýshisi.

2020 jylǵy aqpannan bastap QR Qaýipsizdik Keńesiniń Áskerı qaýipsizdik jáne qorǵanys bólimi meńgerýshisiniń orynbasary boldy.


Jańalyqtar

Úrdis

MURAǴAT