+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Aza tutý kúni BAQ, aqparattyq ınternet-resýrstardy resimdeýge qatysty usynymdar ázirlendi

2020 jylǵy 11 shilde 14:56
Bólisińiz:
Aza tutý kúni BAQ, aqparattyq ınternet-resýrstardy resimdeýge qatysty usynymdar ázirlendi

NUR-SULTAN. QazAqparat - QR Aqparat jáne qoǵamdyq damý mınıstrligi Jalpyulttyq aza tutý kúnine buqaralyq aqparat quraldary, teleradıo habarlaryn taratý operatorlary qyzmetiniń reglamenti, aqparattyq ınternet-resýrstardy, sondaı-aq memlekettik organdardyń resmı saıttaryn resimdeý boıynsha usynymdar ázirledi, dep habarlaıdy QazAqparat.

«Qazaqstan Respýblıkasynyń Prezıdenti Q.K. Toqaevtyń 2020 jylǵy 9 shildedegi №116 ókimimen 2020 jyldyń 13 shildesinde koronavırýs pandemııasynyń qurbany bolǵan azamattar týraly eske alý úshin Qazaqstan Respýblıkasynda Ulttyq aza tutý kúni dep jarııalandy.

Osyǵan baılanysty, Qazaqstan Respýblıkasy Aqparat jáne qoǵamdyq damý mınıstrligi buqaralyq aqparat quraldary, teleradıo habarlaryn taratý operatorlary qyzmetiniń reglamenti, aqparattyq ınternet-resýrstardy, sondaı-aq Ulttyq aza tutý kúni memlekettik organdardyń resmı saıttaryn resimdeý boıynsha usynymdar ázirledi», delingen habarlamada.

QR Aqparat jáne qoǵamdyq damý mınıstrligi buqaralyq aqparat quraldarynyń basshylaryn, teleradıo habarlaryn taratý operatorlaryn, memlekettik organdar men uıymdardyń basshylaryn usynylatyn usynymdardy ustanýǵa, sondaı-aq Ulttyq aza tutý kúni úshin Qazaqstan Respýblıkasynyń zańnamasynda kózdelgen shekteýlerdi saqtaýǵa shaqyrady.

Qazaqstan Respýblıkasynyń «Qazaqstan Respýblıkasynyń Memlekettik rámizderi týraly» Konstıtýtsııalyq zańyna sáıkes, barlyq memlekettik jáne ákimshilik ǵımarattarda aza tutý merzimi ishinde týlardy týtuǵyr bıiktiginiń jartysyna tómen túsirý qajet.

Jalpyulttyq aza tutý kúni BAQ qyzmetine jáne olardyń ınternet-resýrstaryn rásimdeýge baılanysty birqatar sharalardy saqtaýdy qamtamasyz etý usynylady:

1. Jalpyulttyq aza tutý kúni BAQ ınternet-resýrstaryn jáne memlekettik organdardyń resmı saıttaryn (onyń ishinde logotıpterdi) resimdeý kezinde usynylady:

Saıt paraqshasynyń joǵarǵy bóligine bannerdiń barlyq eni boıynsha mynadaı mazmundaǵy jazýdy ornalastyrý: «2020 jylǵy 13 shilde – Qazaqstan Respýblıkasyndaǵy Jalpyulttyq aza tutý kúni».

Banner túsi-qara, mátin túsi-aq. Mátin tili qazirgi ýaqytta paıdalanýshy qarap otyrǵan resýrstyń tildik nusqasyna baılanysty. Banner klıkabel bolýy kerek.

Ony basqanda, aza tutý oqıǵasyna arnalǵan memlekettik BAQ-tyń biriniń maqalasyna kóshýdi júzege asyrý usynylady. Sonymen qatar, banner bettiń joǵarǵy jaǵyna (betti qaraǵan kezde buralmańyz) baılanýy kerek. Jobalaýdyń úlgisi qosymshada berilgen.

ınternet-resýrstardyń tús gammasyn qara-aqqa ózgertý. Sonymen qatar, fotosýretterdiń bastapqy tús gammasyn tek saıtty bezendirý elementterin qara-aq etip saqtaý qajet.

memlekettik organdardyń, uıymdardyń jáne olardyń basshylarynyń resmı betteriniń tús gammasyn ózgertý, sondaı-aq, áleýmettik jelilerde avatardy aq-qara jáne aqqa ózgertý.

2. Ulttyq aza tutý kúni ishinde BAQ pen memlekettik organdardyń barlyq ınternet-resýrstarynyń barlyq betterinde kez kelgen jarnamalyq bannerlerdi, oıyn-saýyq jáne ınteraktıvti elementterdi alyp tastaý usynylady.

3. Eger mundaı oryn alsa, ınternet-resýrstardyń dybystyq súıemeldeýin óshirý usynylady.

4. Barlyq ınternet-resýrstarda Jalpyulttyq aza tutý kúnine qatysty barlyq materıaldar úshin túsinikteme berý fýnktsııasyn óshirý usynylady. Mundaı shara jaǵymsyz pikirlerdi, sonyń ishinde aza tutý jarııalanǵandar týraly da ornalastyrý múmkindigimen baılanysty. Balamaly nusqa retinde ulttyq aza tutý jarııalaý sebepterine baılanysty jarııalanymdarǵa túsinikteme berý saıasatyn qatańdatý múmkindigin qarastyrý usynylady.

5. Jalpyulttyq aza tutý kúnine baılanysty oqıǵalarǵa arnalǵan materıaldar basty bettiń joǵarǵy jaǵyna baılanýy tıis.

6. Barlyq BAQ-tarǵa (baspa BAQ, Internet - resýrstar, tele- jáne radıoarnalar) aza tutý kúni kóńil kóterý sıpatyndaǵy materıaldardy ornalastyrýdan bas tartý usynylady. Radıoarnalarda tynysh mýzykalyq emes, negizinen otandyq shyǵarmalardy translıatsııalaý usynylady.

7. «Jarnama týraly» Zańnyń 8 - babynyń 4-tarmaǵyna sáıkes jarnama, áleýmettik jarnama ornalastyrý barlyq tele-jáne radıoarnalardyń habar taratý torynan alynyp tastalsyn. Telearnalardyń logotıpteriniń tús gammasyn qara-aq túske ózgertý.

8. Baspa basylymdarynda birinshi betterde qara-aq gammany paıdalaný, jarqyn tústerden aýlaq bolý usynylady. Sondaı-aq baspa basylymdarynda jarnamalyq materıaldardy ornalastyrmaý usynylady.

9. Teleradıo habarlaryn taratý jáne ınternet-teledıdar operatorlaryna ulttyq aza tutý kezeńinde oıyn-saýyq jáne jarnamalyq kontenti bar sheteldik tele -, radıoarnalardy translıatsııadan jáne retranslıatsııalaýdan bas tartý usynylady.

10. Barlyq BAQ-tarda máıitterdiń, qannyń jáne t. b. beınelerin qosa alǵanda, arandatýshylyq fotosýretter men beınelerdi jarııalaýǵa/ornalastyrýǵa jol bermeý usynylady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT