+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Densaýlyq saqtaý mınıstrligi qaýipsiz jáne tıimdi vaktsınany kútip otyr - bas sandáriger

2020 jylǵy 14 tamyz 12:18
Bólisińiz:
Densaýlyq saqtaý mınıstrligi qaýipsiz jáne tıimdi vaktsınany kútip otyr - bas sandáriger

NUR-SULTAN. QazAqparat - Densaýlyq saqtaý mınıstrligi de qaýipsiz jáne tıimdi vaktsınany kútip otyr. Bul týraly Ortalyq kommýnıkatsııalar qyzmetinde ótken Qazaqstanda karantındik sharalardy kezeń-kezeńmen jeńildetý týraly onlaın brıfıngide QR Bas memlekettik sanıtarlyq dárigeri Aıjan Esmaǵambetova aıtty, dep habarlaıdy QazAqparat tilshisi.

Uqsas jańalyqtar
Atyraýdyń ınfektsııalyq aýrýhanasynda koronavırýs juqtyrǵan 28 naýqas jatyr Koronavırýs arterıaldy gıpertonııasy bar adamdarǵa qanshalyqty qaýipti Koronavırýsqa qarsy qazaqstandyq vaktsına klınıkalyq synaqtyń alǵashqy satysynan ótýde

«Búgingi tańda álemde koronavırýs ınfektsııasyna qarsy 166 vaktsına jobasy jasaldy. Olardyń kópshiligi klınıkaǵa deıingi testileý kezeńinde. Testileý erejesi bar - bul úsh kezeńnen ótý jáne mindetti túrde tirkeý. Koronavırýs ınfektsııasyna qarsy 120 vaktsınanyń 17-si adamdarǵa synalyp jatyr. Eger biz Reseı vaktsınasy týraly aıtatyn bolsaq, onda ol klınıkalyq synaqtyń 2 kezeńinen ótken, Reseı Federatsııasynda tirkelgen», - deıdi QR Bas memlekettik sanıtarlyq dárigeri Aıjan Esmaǵambetova.

Onyń aıtýynsha, Densaýlyq saqtaý mınıstrligi de sapaly vaktsınanyń shyǵýyn kútedi.

«Densaýlyq saqtaý mınıstrligi de qaýipsiz jáne tıimdi vaktsınany kútip otyr. Naryqqa qandaı vaktsına alǵash paıda bolǵanyna baılanysty biz de sol óndirýshilermen elge jetkizý boıynsha jumys isteıtin bolamyz. Biz búkil álem vaktsınanyń shyǵarylýyn jáne óndirilýin kútip otyrǵanyn túsinýimiz kerek. Vaktsına shyqqan kezde kezek bolýy da zańdylyq. Vaktsınanyń álemge birdeı mólsherde taralýyn qadaǵalaý úshin GAVI alıansy (vaktsınalar men ımmýndaý boıynsha jahandyq alıans - red.) quryldy», - deıdi ol.

Ol vaktsına egýde qandaı adamdarǵa basymdyq beriletini týraly aıtty.

«Búgingi kúni biz osy vaktsınatsııalaýǵa jatatyn toptarmen jumys istep jatyrmyz. Bizde qaýipti toptar boıynsha josparlar bar, olar úshin koronavırýs aýrýy óte qaýipti. Olar - 60-65 jastan asqan belgili bir sozylmaly aýrýlary bar adamdar. Sondaı-aq, bul topqa medıtsına qyzmetkerleri de jatady, óıtkeni olar eń aldymen patsıenttermen jáne koronavırýs juqpasynyń belgileri joq, biraq tasymaldaýshy bolyp sanalatyn adamdardy qarap, baılanysta bolady. Sondyqtan biz vaktsınatsııaǵa daıyndyq, vaktsınany tańdaý jáne Densaýlyq saqtaý mınıstrliginde vaktsınatsııa strategııamyzdy ázirleý boıynsha jumys júrgizýdemiz», - deıdi QR Bas memlekettik sanıtarlyq dárigeri.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT