Aıyppuldar men ósimpuldar qalaı keshiriledi – Erbolat Dosaev

NUR-SULTAN. QazAqparat – QR Ulttyq bankiniń tóraǵasy Erbolat Dosaev Úkimettiń keńeıtilgen otyrysynda aıyppuldar men ósimpuldardy esepten shyǵarý mehanızmi týraly aıtyp berdi, dep habarlaıdy QazAqparat tilshisi.

Uqsas jańalyqtar

Prezıdent tapsyrmasy: 243 myń adamnyń nesıesi tolyǵymen óteledi

Borysh júktemesin azaıtý: Mınıstrlik eń jıi qoıylatyn suraqtarǵa jaýap berdi

«QR azamattarynyń borysh júktemesin azaıtý sharalary týraly Jarlyqty iske asyrý úshin Ulttyq bank kepilsiz tutynýshylyq kredıtter boıynsha aıyppuldar men ósimpuldardy esepten shyǵarý mehanızmin bekitti. Bıyl 30 shildege deıin bankter men mıkroqarjy uıymdary turaqsyzdyq aıyby boıynsha bereshekti keshiredi. Bul rette ósimpuldar men aıyppuldardyń 70 paıyzyn qarjy mekemelerdiń ózderi óteıdi, 30 paıyzyn óteý úshin Ulttyq bank qarajat bóledi. Ol úshin 17 mlrd teńge bólinedi», - dedi Erbolat Dosaev.

Onyń aıtýynsha, 3 shildede shyqqan zań tutynýshylyq kredıtteýdiń barlyq sýbektilerin, onyń ishinde onlaın-kredıtorlar, lombardtar jáne halyqqa nesıe beretin basqa da zańdy tulǵalardy tolyq retteýdi qamtıdy.

«Sýbektiler 2020 jylǵy 1 shildege deıin alǵash ret ýákiletti organdarda eseptik tirkeýden ótýge mindetti. Tıisienshe, barlyq kredıt berý sýbektileri ýákiletti organdardyń baqylaýynda bolady. Sýbektiler qaryzdar boıynsha syıaqynyń shekti mólsherlemeleri, boryshtyq júkteme, klıenttermen ózara is-qımyl tártibi boıynsha shekteýler men basqalary sııaqty qaryz alýshylardy qorǵaýdyń barlyq talaptaryn saqtaýǵa mindetti bolady. Bul bizge azamattardyń boryshtyq júktemesi týraly tolyq aqparat alýǵa, naryqtyń ashyqtyǵyn arttyrýǵa jáne júıelik táýekelderdi azaıtýǵa múmkindik beredi», - dedi Ulttyq bank tóraǵasy.

Budan buryn habarlanǵandaı, Memleket azamattardyń 300 myń teńgege deıingi qaryzyn ótep beredi.