+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Aıqasqa daıynmyn – Batyr Júkembaev Kanadadaǵy aıqasy aldynda málimdeme jasady

2020 jylǵy 24 qańtar 10:31
Bólisińiz:
Aıqasqa daıynmyn – Batyr Júkembaev Kanadadaǵy aıqasy aldynda málimdeme jasady

NUR-SULTAN. QazAqparat – Osy aptada Kanadada ózine tıesili WBA Continental Americas pen IBF Inter-Continental tıtýldaryn qorǵaıtyn Batyr Júkembaev (17-0, 13KO) aıqas aldyndaǵy baspasóz máslıhatyna qatysyp, jankúıerlerin jekpe-jekti tamashalaýǵa shaqyrdy, dep habarlaıdy QazAqparat tilshisi.

Uqsas jańalyqtar
Batyr Júkembaevtyń qarsylasy aıaq astynan aýystyryldy Danııar Eleýsinov pen Sultan Záýirbek alǵash ret WBC reıtıngine endi

Aıqas aldyndaǵy baspasóz máslıhatynda Batyr Júkembaevtyń qarsylasy – meksıkalyq Rıkarda Laramen kóz arbasty.

«Reseıdegi Bupas Gym zalynda óz bapkerimmen óte jaqsy jattyǵý alańynan óttim. Montreal Casino-daǵy basty jekpe-jekke shyǵatynymyna qýanyshtymyn. Aıqasqa daıynmyn. Bárine rahmet», - dep keltiredi Batyr Júkembaevtyń sózin «Qazaqstan kásipqoı boksy» federatsııasy.

Sonymen birge boksshy óziniń Instagram-paraqshasynda jankúıerleri bul keshke qyzyǵýshylyq tanytyp otyrǵanyn aıtyp ótti.

«Jekpe-jek aldyndaǵy press-konferentsııa sátti ótti! Alla qalasa erteń salmaq ólsheý rásimi! Bul jekpe-jegime Kanadalyq boks jankúıerleri men BAQ ókilderi úlken qyzyǵýshylyq bildirýde. Al qazaqstandyq boks súıer qaýym, 26 qańtarda 8:30-da #Habar arnasynyń tikeleı efırinen kezekti aıqasymdy tamashalaı alasyzdar», - dep jazdy Batyr Júkembaev.

Kanadada ótetin atalmysh keshke barlyq bıletter satylyp ketkenin buǵan deıin habarlaǵan edik. Áýelde B.Júkembaevtyń IBF Latino chempıony argentınalyq Maksımılıano Rıkardo Veronǵa (12-3-1, 4 KO) qarsy aıqasatyny jarııalanǵan bolatyn. Alaıda onyń qarsylasy aıaq astynan aýysyp, ol «Rıkı» laqap atty meksıkalyq Rıkardo Laramen (22-7, 10KO) kezdesetin boldy.

Kezdesýdi «Habar» arnasy tikeleı efırden 26 qańtar kúni tańerteń kórsetedi.

Esterińizge sala keteıik, Batyr Júkembaev byltyr 26 qyrkúıek kúni Monrealda meksıkalyq Mıgel Vaskeske qarsy (41-9, 15 KO) ótkizgen sońǵy judyryqtasýynda tóreshilerdiń biraýyzdy sheshimimen jeńiske jetken bolatyn. Halyqaralyq boks uıymynyń (IBO) reıtınginde ol óz salmaǵynda 11-shi orynda tur.


Bizdiń kanalymyzǵa jazylyńyz:

Basty sózder: Sport, Boks,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT