Áıelin balarynyń kózinshe uryp óltirgen túrkistandyq 17 jylǵa sottaldy
2022 jylǵy 16 tamyz 19:32

Áıelin balarynyń kózinshe uryp óltirgen túrkistandyq 17 jylǵa sottaldy

TÚRKІSTAN. QazAqparat - Túrkistan oblysynda áıelin balarynyń kózinshe uryp óltirgen kúdiktige qatysty sot úkimi shyqty, dep habarlaıdy QazAqparat tilshisi.

Jaǵa ustatarlyq jaǵdaı bıylǵy jyldyń 28 sáýirinde bolǵan. Óz úıinde alkogol iship otyrǵan M esimdi turǵyn 5 jyl burynǵy áıeliniń teris qylyǵyn esine alyp, qyzǵanyshtan jubaıyn qolymen uryp, aıaǵymen tepken.

Jas balalarynyń kózinshe bolǵan oqıǵadan jábirlenýshi jaraqat alyp, oqıǵa ornynda kóz jumdy. Túrkistan oblysynyń qylmystyq ister jónindegi mamandandyrylǵan aýdanaralyq sotynda erekshe qatygezdikpen qasaqana kisi óltirgeni úshin M. - ǵa qatysty qylmystyq is qaraldy.

Sot úkimimen M. QK-niń 99-babynyń 2-bóligi, 5-tarmaǵy boıynsha qylmys jasaǵany úshin kináli dep tanylyp, oǵan 17 jylǵa bas bostandyǵynan aıyrý jazasy taǵaıyndaldy.

«Qaýipsizdigi eń joǵary qylmystyq-atqarý júıesi mekemesinde jazasyn óteý belgilendi. Úkim zańdy kúshine engen joq» - delingen Túrkistan oblystyq sotynyń baspasóz qyzmeti taratqan habarlamada.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT