+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Áıelderine qol kótergen 3600-ge jýyq jambyldyq esepte tur

2019 jylǵy 19 qazan 06:29
Bólisińiz:
Áıelderine qol kótergen 3600-ge jýyq jambyldyq esepte tur

TARAZ. QazAqparat – Jambyl oblysynda turmystyq zorlyq-zombylyq tyıylmaı tur, dep habarlaıdy QazAqparat tilshisi.

Bıylǵy 9 aıdyń ózinde quqyqqorǵaý organdarynda osyndaı 869 quqyqbuzýshylyq pen 10 qylmystyq is tirkelgen. Búginde áıelderdi zorlyq-zombylyqtan qorǵaý toby túsindirý, aldyn alý sharalaryna myqtap kiriskenderin aıtady. Osy kúnge deıin 50 aýyldy aralap, 1 myńǵa jýyq kezdesý ótkizgen. Áıelderge qoqan-loqy kórsetken 3600-ge jýyq adam esepke alynǵan. Olar mundaı áreketke taǵy baryp, jábir kórsetýin toqtatpasa is sotqa joldanady.

«Ákimshilik quqyqbuzýshylyq bolsa 10 táýlikke deıin qamaqqa alynady. Odan qylmystyq is bolsa sottyń sheshimimen 3-4 jylǵa deıin jazalanýy múmkin. Kóbinese aýyldyq jerlerde polıtsııa qyzmetkerlerin shaqyryp, keıinnen sotqa barmaımyz dep qyz-kelinshekter aryz jazýdan bas tartady. Endi ol jaǵdaıda biz Qorǵaý nusqamalaryn qoıamyz», - deıdi oblystyq Polıtsııa departamenti Áıelderdi zorlyq-zombylyqtan qorǵaý tobynyń aǵa ınspektory Aqmaral Janysova.

Óńirdegi turmystyq teperish kórgen názik jandylardyń panalaıtyn birden-bir orny ol – Zorlyq-zombylyq qurbandaryna áleýmettik kómek kórsetýdiń oblystyq ortalyǵy. Búgingi tańda bul mekemede 5 kelinshek 15 balamen turyp jatyr. Bıyl jyl basynan beri 138 adam kómekke júgingen. Olardyń basym kópshiligi Baızaq pen Qordaı aýdandarynan kelgen. Jalpy munda sońǵy 5 jylda 600-ge jýyq adamǵa qyzmet kórsetilgen. Onyń 391-i – balalar.

«Bizge kelgen áıelderdiń 60 protsenti otbasyna qosylady. Qosylmaıtyndary da bar. Qosylmaıtyndaryn osy jerde jumyspen qamtyp, eńbekke baýlımyz. Áıtpese olardy jumysqa turǵyzamyz. Otbasyna oralmaǵannan keıin ózderiniń ómir súrip ketýi úshin kómektesemiz. Áıelder munda óz-ózine kelgenshe 1 aıdan 6 aıǵa deıin turýlaryna bolady. Olarǵa psıhologııalyq, quqyqtyq-áleýmettik járdem jaǵynan 8 túrli qyzmet kórsetiledi», - deıdi atalmysh ortalyqtyń dırektory Jamal Qalybekova.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT