+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Áıelder boksynan Olımpıada lıtsenzııalary úshin aıqasatyn sportshylar anyqtaldy

2020 jylǵy 19 aqpan 15:47
Bólisińiz:
Áıelder boksynan Olımpıada lıtsenzııalary úshin aıqasatyn sportshylar anyqtaldy

NUR-SULTAN. QazAqparat - Áıelder boksynan Qazaqstan komandasynyń bas bapkeri Erik Alǵabek 28 aqpan kúni Iordanııada ótetin Azııa/Okeanııa aımaqtyq Olımpıadaǵa irikteý týrnırine qatysatyn boksshylar tizimin atady, dep habarlaıdy QazAqparat Olympic.kz-ke silteme jasap.

Uqsas jańalyqtar
Bokstan Londonda ótetin eýropalyq irikteý týrnıri toqtatyldy Jánibek Álimhanulynyń jekpe-jegi keıinge qaldy Boksshylar Qazaq eliniń úmitin aqtady - ulttyq quramanyń bas bapkeri

«51 keli salmaqta Angelına Lýkas joldamaǵa talasady. Ol ózi qatysqan sońǵy halyqaralyq týrnırlerdiń bárinen altyn aldy. ıAǵnı, syrtta ótetin jarystarǵa psıhologııalyq túrde daıyn ekenin kórsetti. 57 kelide Dámetken Kelimbetke senim artamyz. Bul salmaqta eń sońǵy kúnge deıin irikteý ótip, tańdaý Dámetkenge tústi. Ol Gollandııada ótken týrnırde ózin jaqsy jaǵynan kórsetken edi. 60 keliniń sózsiz úzdigi – Rımma Volosenko. Ol álem chempıonatynda qola júldeger atandy. Sol birinshilikte jeńildi dep aıtýǵa aýzymyz barmaıdy. Qaraǵandydaǵy Ǵalym Jarylǵapovty eske alýǵa alǵan týrnırde jáne Vengrııadaǵy básekede jeńimpaz atandy. Al 69 kelide Valentına Halzova el namysyn qorǵaıdy. Ol álem chempıony ári Azııa chempıonatynyń kúmis júldegeri. Halzova dekrettik demalystan ulttyq quramaǵa jaqynda oraldy. Mundaı tájirıbeli sportshynyń qatarǵa qosylǵany qýantady. Ol babynda. Nıderlandta ótken halyqaralyq synda Olımpıada oıyndarynyń júldegerine qarsy jaqsy kezdesý ótkizdi»,- deıdi bas bapker.

«75 kelide Nadejda Rıabets baq synaıdy. Nadıa jastar komandasynan eresekter qataryna endi ótti. Jasóspirimder Olımpıadasynyń qola júldegeri. Endi Tokıo Olımpıadasyna qatysý úshin baryn salady. Lıtsenzııa alatyn múmkindik barlyǵynda bar. Budan bólek, Parıjde ótetin álemdik irikteý synyna da daıyndalamyz. Frantsııada ekinshi jáne úshinshi quram boksshylaryn synap kórmekpiz. Óıtkeni, básekelestik joǵary. Tipti, mundaı básekelestik erler quramasynda da joq shyǵar. Komanda qazir babynda».


Bizdiń kanalymyzǵa jazylyńyz:

Basty sózder: Sport, Boks,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT