+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Aıdos Sarym men Erlan Saırov «Birgemiz» qory qamqorshylyq keńesiniń quramyna kirdi

2020 jylǵy 2 sáýir 19:29
Bólisińiz:
Aıdos Sarym men Erlan Saırov «Birgemiz» qory qamqorshylyq keńesiniń quramyna kirdi

NUR-SULTAN. QazAqparat - Aıdos Sarym men Erlan Saırov «Birgemiz» qory qamqorshylyq keńesiniń quramyna kirdi, dep habarlaıdy QazAqparat qordyń baspasóz qyzmetine silteme jasap.

Elordada Elbasy Nursultan Nazarbaevtyń bastamasymen koronavırýsqa qarsy kúres jaǵdaıynda muqtaj azamattardy qoldaý maqsatynda qurylǵan «Birgemiz» qoǵamdyq qory qamqorshylyq keńesiniń kezekti otyrysy ótti.

Qamqorshylyq keńesiniń tóraǵasy, «Nur Otan» partııasy Tóraǵasynyń Birinshi orynbasary Baýyrjan Baıbek Qamqorshylyq keńesiniń jańa múshelerin tanystyra kele, Aıdos Sarym men Erlan Saırovtyń Prezıdent janyndaǵy qoǵamdyq senim keńesiniń bedeldi músheleri jáne belgili qoǵam qaıratkerleri ekenin atap ótti.

«Aıdos Sarym - Almaty qalasy qoǵamdyq keńesiniń múshesi. Ol «Baqytty otbasy - Almaty» qorynyń jumysyn uıymdastyrýǵa belsene aralasty jáne osy qordyń qamqorshylyq keńesiniń múshesi retinde kópbalaly analarǵa materıaldyq kómek kórsetýde ákimdikke járdemdesti. Onyń mol tájirıbesi jańadan qurylǵan qor úshin asa baǵaly. Erlan Saırovqa keler bolsaq, ol árqashan bizdiń partııamyzdyń áleýmettik bastamalaryna belsendi qoldaý kórsetip keledi. Jaqynda ǵana ol erikti retinde pandemııa jaǵdaıynda muqtaj adamdarǵa azyq-túlik jetkizýge qatysty. Biz onyń osyndaı adamgershilik qasıetin de joǵary baǵalaıyz», - dedi B.Baıbek.

Sondaı-aq, ol qordyń qyzmetine azamattyq qoǵamnyń bedeldi ókilderiniń qatysýy, onyń tıimdiligi men transparenttiligin arttyrýǵa yqpal etetinine senim bildirdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT