Jańalyqtar  >
  Úrdis

Aıdos Sarym: AMANAT partııasynyń jańa tujyrymdamasynyń negizgi qurylymy - adam, azamattyq qoǵam jáne memleket

2022 jylǵy 6 qazan, 15:59
Aıdos Sarym: AMANAT partııasynyń jańa tujyrymdamasynyń negizgi qurylymy - adam, azamattyq qoǵam jáne memleket

AMANAT partııasynyń jańa saıası tuǵyrnamasy - osy jyldyń naýryz aıynda bastalǵan tolyq aýqymdy partııalyq transformatsııanyń myzǵymas bir bóligi. Tuǵyrnama elimizde bolyp jatqan ózgeristerge AMANAT partııasynyń naqty jaýaby retindegi negizgi ıdeologııalyq qujat bolyp sanalady. Tuǵyrnamada elimizdiń qoǵamdyq kúshiniń bolashaqqa degen kózqarasy, damý baǵdarlary, ustanymdary men saıası maqsattary qamtylǵan. Saıası tuǵyrnamamyzdyń basty erekshelikterine toqtalaıyn.

Eń aldymen bul - shırek ǵasyrǵa jýyq tarıhy bar partııa tarıhynda túpnusqasy qazaq tilinde bastan-aıaq jazylyp shyqqan qujat. Qujattyń kirispesinde «Biz qazaq tilin damytýǵa, ony keńinen qoldanylýyna bar kúsh-jigerimizdi salamyz» dep taıǵa tańba basqandaı jazylǵan. Tuǵyrnamanyń taǵy bir úlken baǵyty «amanat» degen qasıetti de qasterli uǵymnyń ne ekenin túsindirý, sony jurtqa jarııa etý. «Biz Asan qaıǵynyń Jeruıyǵy men Ál-Farabıdiń «izgi qoǵam» ıdeıasyn, Abaıdyń «tolyq adam» kontseptsııasyn, Shoqan Ýálıhanov pen Ybyraı Altynsarınniń aǵartýshylyq mıssııasyn. Álıhan Bókeıhan bastaǵan Alash arystarynyń uly murattaryn úlgi-ónege tutamyz» dep jazyp otyrmyz. Bul - partııanyń aldyńǵy urpaqtardan amanat etip qabyldap, keleshek urpaq aldynda moıynan alǵan abyroıly da qasterli mindeti.

Ekinshiden, jańa tuǵyrnama - el aýmaǵyndaǵy barlyq partııalastyń eleginen ótken, jan-jaqty talqylanǵan qujat. Sońǵy 6 aıda aımaqtarda jumys tobynyń bastamasymen ótken kezdesýlerde partııanyń bastaýysh uıymdarynda, jıyndarda tuǵyrnamanyń kóptegen baǵyty talqyǵa salyndy. Osy qujatta daıyndaý barysynda bizdiń partııa elimizde bolmaǵan úlken sotsıologııalyq zertteýler jasaldy. Partııanyń 43 myń azamaty óziniń jaýaptaryn anketa arqyly berdi. Bul úlken, mańyzdy sotsıologııalyq zertteý deýge bolady. Sonyń negizinde qurastyrylǵan úlken saıası qujat. Nátıjesinde áleýmettik saýalnamaǵa elimizdiń barlyq aımaǵynan 43 myńǵa jýyq partııa múshesi qatysty. Olar myńnan astam óz usynystaryn joldady. Odan bólek, eldegi kózi qaraqty, aýyzy dýaly sarapshy-mamandardyń, saıasattanýshylar men qoǵam belsendileriniń súzgisinen ótkizilip, pikirleri nazarǵa alyndy.

Úshinshiden, saıaı tuǵyrnama partııanyń qazirgi kezdegi qoǵamdyq saıası jáne áleýmettik-ekonomıkalyq jaǵdaıǵa qatysty ustanymyn bildiretin, partııalastardy ortaq uıǵarymǵa biriktiretin basty ıdeologııalyq qujat bolmaq. Biz muny aıqyn túsinip otyrmyz. Bul zamanda bizdiń jumysymyz tek qana qoǵamdyq talapqa, qoǵamnan qoıylyp jatqan máselelerge negizdelýi kerek ekenin aıqyn uqtyq. Osyǵan oraı AMANAT partııasynyń budan keıingi uzaq merzimdi strategııasy osy tuǵyrnamaǵa negizdelip qurylatyn bolady. Bolashaqtaǵy bizdiń baǵdarlamalarymyz árbir partııaǵa múshe toptardyń, stratalardyń qajettilikterine, arman-muratyna negizdelip jasalatyn bolady. Biraq bul qujat negizgi ıdeologııalyq platformamyz.

Tórtinshiden, AMANAT partııasy - eldegi jetekshi saıası kúsh retinde barlyq ózgeristerge jaýapty kúsh. Táýelsizdigimizdi saqtaýǵa bar kúshin salyp kele jatqan partııamyz aldaǵy ýaqytta eriktiler qozǵalysymen qaıyrylymdyq mádenıetin damytý arqyly elimizdegi qoǵam men azamattardyń jaýapkershiligin arttyratyn bolady.

Besinshiden, saıası tuǵyrnamanyń qurylymy - adam, azamattyq qoǵam jáne memleket degen uǵymdarǵa negizdelgen. Buǵan deıingi súrleý kóshbasshylyq modelinen sanaly túrde bas tartyp, eldiń túpkir-túpkirindegi qarapaıym turǵyndardan quralǵan, ártúrli toptardan shyqqan, árqıly pikir men kózqarastardaǵy azamattardy ortaq ustanymǵa biriktirgen, shyn mánindegi halyqtyq partııaǵa aınalýdy kózdeıdi. Halyqqa berilgen ýáde, saılaýshylardyń bergen amanaty partııa úshin oryndalýy buljymas zańmen para-par. «Amanatqa qııanat joq» degen qazaǵymyz. «Tiregimiz - táýelsizdik, tilegimiz - ádilet, baǵdarymyz birlik» deıtin partııa Ádiletti Qazaqstannyń múddesine jumys isteıdi dep anyq aıtýǵa bolady.


Tegı:
Seriktester jańalyqtary

Jańalyqtar