Aıbol Ábiken dopıngke baılanysty fýtboldan úsh jylǵa shettetildi
2022 jylǵy 23 maýsym 22:58

Aıbol Ábiken dopıngke baılanysty fýtboldan úsh jylǵa shettetildi

NUR-SULTAN. QazAqparat - Qazaqstan quramasy men «Aqsý» komandasynyń oıynshysy Aıbol Ábiken dopıngke baılanysty fýtboldan úsh jylǵa shettetildi, dep habarlaıdy QazAqparat tilshisi.

Aıbol Ábikenniń Ulttar lıgasynyń oıyny aıasyndaǵy Moldovamen kezdesýge deıin alynǵan synama oń bolyp shyqty. Ol arada biraz ýaqyt ótkennen keıin tapsyrǵan V synamasy da dál sondaı nátıjeni qaıtalady. Saldarynan ol aldaǵy úsh jyl boıy resmı oıyndarda alańǵa shyǵý quqyǵynan aıryldy.

Aıbol Ábiken 1996 jyldyń 1 maýsymynda Almaty qalasynda dúnıege kelgen. Fýtbolshylyq mansabyn 2016 jyly sol qalanyń «Qaırat» komandasynda bastap, onda 79 oıynda 10 gol soqty. 2022 jyly Pavlodar oblysynyń «Aqsý» klýbynda 6 oıynda 3 gol soǵyp úlgerdi.

Ulttyq qurama sapynda 14 kezdesýde 1 goldyń avtory atandy.

Aıta ketsek, buǵan deıin dopıngke baılanysty el quramasynan úshinshi oıynshysy fýtboldan shettetilip otyr. Buǵan deıin 2019 jyly Baýyrjan Islamhan, 2020 jyly Rýslan Valıýllınge osyndaı jaza taǵaıyndalǵan edi.

Eske salsaq, budan buryn fýtboldan Qazaqstan quramasy FIFA reıtıngisinde 11 catyǵa joǵarylady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT