Aıbek Nuǵymarov - «Qazaqstan barysy»
2013 jylǵy 1 shilde 07:31

Aıbek Nuǵymarov - «Qazaqstan barysy»

ASTANA. 1 shilde. QazAqparat - Shyǵysqazaqstandyq palýan Aıbek Nuǵymarov - "Qazaqstan barysy" týrnıriniń jeńimpazy atandy.

Ol aqtyq synda Qaraǵandydan kelgen Erjan Shynkeevtiń jaýyrynyn jerge tıgizip, taza jeńiske qol jetkizdi.

Ótken jyldyń "barysy" atanǵan jambyldyq palýan Beıbit Ystybaev jartylaı fınalda súrindi. Erjan Shynkeevpen beldesken ol tartysty synda qarsylasyna jol berdi. Degenmen, tóreshiler alǵashynda Beıbittiń qolyn kótergen bolatyn. Keıin ózara daýlasqan qazylar alqasy aqyry bir sheshimge kelip, jeńisti Shynkeevke qaıta ustatty.

Esesine, úshinshi oryn úshin bolatyn beldesýge Ystybaev shyǵýdan bas tartyp, qola júlde shymkenttik Nazar Ersultanovqa buıyrdy.

Osylaısha, "Qazaqstan barysy-2013" ataǵyn jeńip alǵan Aıbek Nuǵymarovqa 150 myń AQSh dollary men «Altyn belbeý», «Taıtuıaq» jáne avtokólik syıǵa tartylsa, kúmis júldeni ıelengen Erjan Shynkeevke 30 myń AQSh dollary, al qolany qanaǵat tutqan Jumanazar Ersultanovqa 10 myń AQSh dollary tartý etildi, dep habarlaıdy Baq.kz.

Jańalyqtar

MURAǴAT