Aıbek Nuǵymarov eki dúrkin «Qazaqstan barysy» atandy
2019 jylǵy 8 maýsym 17:40

Aıbek Nuǵymarov eki dúrkin «Qazaqstan barysy» atandy

NUR-SULTAN. QazAqparat - 2019 jylǵy «Qazaqstan barysy» týrnıriniń jeńimpazy belgili boldy, dep habarlaıdy QazAqparat tilshisi.

Aıta ketsek, jartylaı fınalǵa Aıbek Nuǵymarov (ShQO), Aıbat Seıten (Nur-Sultan), Rýslan Ábdirazaqov (Almaty) pen Erasyl Qajybaev (ShQO) shyqqan bolatyn.

Erasyl Qajybaev fınalǵa barar jolda Aıbat Seıtendi jeńse, Aıbek Nuǵymarov Rýslan Ábdirazaqovtan aılasyn asyrdy.

Týrnırdiń úshinshi ornyn Rýslan Ábdirazaqov ıelendi. Aıbat Seıtenmen ótken tartysty beldesýde almatylyq balýan Aıbat Seıtennen basym tústi.

Al fınaldyq beldesýde shyǵysqazaqstandyq qos balýan Aıbek Nuǵymarov pen Erasyl Qajybaev naǵyz tartysty óner kórsetti. Alǵashqy upaıdy Erasyl alǵanymen, beldesý bastalǵannan keıin qatelikke jol berip, Aıbek jartylaı jeńiske jetti. Tartysty sátterdiń birinde Erasyl esepti teńestirýge jaqyn qalǵan edi. Aqyry, Aıbek Nuǵymarov taza jeńip, eki dúrkin «Qazaqstan barysy» atandy

Aıta keterligi, Aıbek Nuǵymarov 2013 jyly da «Qazaqstan barysy» atanǵan bolatyn.

Aıbekke 25 mıllıon teńgeden bólek, altyn belbeý men altynnan quıylǵan aýyspaly «Taıtuıaq» tabys etildi. ІІ jáne ІІІ orynǵa ıe bolǵan Erasyl Qajybaev pen Rýslan Ábdirazaqova 5 mıllıon jáne 1 mıllıon 800 myń teńge berildi. Sonymen qatar, palýandarǵa ár jeńisi úshin 100 myń teńge aqshalaı syılyq tabystaldy.

Eske sala ketsek, elordanyń «Barys-Arena» sport kesheninde «Qazaqstan barysy - 2019» týrnıri ótip jatyr. Respýblıkalyq týrnırdi «Qazaqstan» jáne «Qazsport» telearnalary tikeleı efırde kórsetýde.

Avtor:
Tilshi

Jańalyqtar

MURAǴAT