Aıbek Dádebaev balabaqsha qyzmetkerlerimen kezdesti
2022 jylǵy 25 mamyr 21:14

Aıbek Dádebaev balabaqsha qyzmetkerlerimen kezdesti

NUR-SULTAN. QazAqaparat - Prezıdent is basqarmasynyń basshysy Aıbek Dádebaev «Qarlyǵash» balabaqshasy qyzmetkerlerimen kezdesti, dep habarlaıdy QazAqparat.

«Búgin tústen keıin Prezıdent Іs Basqarmasy Medıtsınalyq ortalyǵynyń vedomstvolyq qarasty uıymy – «Qarlyǵash» balabaqshasy qyzmetkerleriniń jumysymen jáne eńbek jaǵdaıymen tanystym. Balalardy oqytatyn jáne damytatyn oıyn, sport, damý bólmelerin aralap shyqtym. Balalardyń shyǵarmashylyq ıdeıalaryn júzege asyratyn Redjıo-atele zerthanasy erekshe eken. Odan keıin balabaqsha ujymymen kezdesý ótti. Pedagogtardy áleýmettik sıpattaǵy, jumys protsesterin uıymdastyrý máseleleri tolǵandyrady. Árbir taqyryp muqııat zerttelip, tıisti jaýap beriletin bolady», - dep jazdy Aıbek Dádebaev Telegram kanalynda.

Ol Kásiporynnyń basty resýrstarynyń biri – joǵary bilikti mamandar ekenin aıtty. «Otandyq mektepke deıingi bilim berýdiń sapasyn arttyrý maqsatynda «Qarlyǵash» balabaqshasy óz tájirıbesimen elimizdegi ózge mektepke deıingi mekemelermen bólisýde», - dep tolyqtyrdy ol.


Jańalyqtar

MURAǴAT