+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Aıaýjan Ashımova: Aýyl jurtshylyǵy saılaýǵa zor qyzyǵýshylyq bildirip otyr

2021 jylǵy 24 shilde 16:41
Bólisińiz:
Aıaýjan Ashımova: Aýyl jurtshylyǵy saılaýǵa zor qyzyǵýshylyq bildirip otyr

ÓSKEMEN. QazAqparat – Shyǵys Qazaqstan oblysyndaǵy eldi mekender halqy erteń alǵash ótkeli otyrǵan aýyl ákimderiniń saılaýyna zor qyzyǵýshylyq bildirip otyr. Osyndaı pikirdi «Partııalyq emes baqylaý ortalyǵy» respýblıkalyq qoǵamdyq birlestiginiń ShQOF tóraǵasy Aıaýjan Ashımova bildirdi, dep habarlaıdy QazAqparat tilshisi.

Uqsas jańalyqtar
Elimizge bir táýlikte 43 halyqaralyq áýe reısi keldi Almatynyń shetki aýdandary qalaı damyp jatyr Kókshetaýda arzan azyq-túlik taýarlarynyń jármeńkesi ótip jatyr

«Óńir boıynsha 300-den astam adamdy baıqaýshy retinde daıarlap, arnaıy oqytýdan ótkizdik. Erteńgi saılaýda oblystaǵy barlyq ýchaskelerde bizdiń baıqaýshylarymyz jumys isteıdi. Saılaý aýyldy jerlerde ótetindikten olar eldi meken turǵyndarynyń arasynan irikteldi. Qoıylǵan basty talaptar – azamattardyń nıeti men belsendiliginiń bolýy», - dedi Aıaýjan Ashımova.

Onyń aıtýynsha, baıqaýshylar aýyl halqynan tańdalyp alǵandyqtan aldaǵy ýaqytta jańa saılanǵan ákimniń jumysyna tikeleı kýá bolyp, óz baǵalaryn bere alady.

«Oblystaǵy aýyl jurtshylyǵy saılaýǵa zor qyzyǵýshylyq bildirip otyr. Bul saılaý der kezinde ótkizilip jatyr dep oılaımyn. Sebebi qazir buqara halyq osyndaı protsedýralarǵa daıyn. Kópshiliktiń quqyqtyq saýattylyǵy joǵary. Biz ózimizdiń baıqaýshylardy oqytqan kezde tek zań normalaryn túsindirip qana qoımaı, kútpegen jaǵdaılar bolyp qalǵanda qalaı áreket etý kerektigin pysyqtadyq», - dedi «Partııalyq emes baqylaý ortalyǵy» respýblıkalyq qoǵamdyq birlestiginiń Shyǵys Qazaqstan oblystyq fılıalynyń tóraǵasy.

Baıqaýshylardy daıarlaýǵa osy salada 15 jyldan artyq ter tógip kele jatqan kásibı mamandar tartylǵan.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT