+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Aıagúl Mırazova: Ulttyq mektep jaıly jasqanbaı aıtatyn kez keldi

2020 jylǵy 11 qyrkúıek 16:17
Bólisińiz:
Aıagúl Mırazova: Ulttyq mektep jaıly jasqanbaı aıtatyn kez keldi

NUR-SULTAN. QazAqparat – Qazaqstan pedagogıka ǵylymdary akademııasynyń akademıgi, Qazaqstan Eńbek eri Aıagúl Mırazova ulttyq mektep jaıly aıtatyn kez kelgenin málim etti, dep habarlaıdy QazAqparat tilshisi.

«Táýelsizdik alǵan kezden bastap Elbasy dástúrli Joldaýlarynda, onyń ishinde «Bolashaqqa baǵdar: Rýhanı jańǵyrý», «Uly dalanyń jeti qyry» maqalalarynda otbasylyq ınstıtýt máselesi jaıly jazǵan edi. Memleket basshysy da Bilim kúni eldiń bárine erekshe oı salyp, Qazaqstan halqyna Joldaýyn jarııalady. Qýanyshymyzda shek joq. Óıtkeni ulttyń jańa bolmysyn qalyptastyrýǵa arnalǵan taraýynda adamdy jáne qoǵamdy ýaqyt talabyna saı jetildirý qajettigin ómirdiń ózi kórsetip otyrǵanyn jetkizdi», - dedi Aıagúl Mırazova «Otbasy kúni» aıasynda ulttyq tárbıe berý men otbasy qundylyqtaryn damytý máseleleri talqylanǵan dóńgelek ústel otyrysynda.

Akademıktiń aıtýynsha, qazaq balalaryn tárbıeleýde ulttyń oıshyldarynyń taǵylymyn basshylyqqa alýymyz kerek.

«Batystyń bizge jaqsysymen birge jamany da enip ketti. Mine, sol úshin bilimnen buryn - tárbıe turýy kerek. Jańa Joldaýda «ulttyń sapasyn anyqtaıtyn qundylyqtar retinde bilim, eńbek, kásip, temirdeı tártip, jaýapkershilik, ádildik, tııanaqtylyq, uqyptylyq atalyp ótti. Osynyń bári januıadan bastalyp, balabaqsha men mektepte shyńdalatyn qasıetter. Ózim 25 jyl dırektor boldym. Qazir bizde qazaq jáne orys mektepteri bar. Buryn ulttyq mektep degendi kóp aıta almadyq. Endi qazir aıtatyn kez keldi», - deıdi ol.

Aıagúl Mırazovanyń sózinshe, tilimizdiń qoldanys aıasyn barynsha keńeıtýdiń arqasynda memleketimizdiń bolashaǵyn jarqyn etýge bolady.

«Sondyqtan otbasy qundylyqtary negizinde ulttyq tárbıe berý máselesimen aınalysqanda jańa kózqaras, jańa ustanym kerek», - deıdi ol.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT