+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Aıagózdegi 4 balanyń ólimi: Mamandar ortalyq kemshilikterin aıtty

2020 jylǵy 22 mamyr 16:25
Bólisińiz:
Aıagózdegi 4 balanyń ólimi: Mamandar ortalyq kemshilikterin aıtty

NUR-SULTAN. QazAqparat - Shyǵys Qazaqstan oblysy Aıagóz qalasyndaǵy arnaıy áleýmettik kómek ortalyǵynda kóptegen kemshilik bolǵan. Bul týraly búgin onlaın formatynda ótken vedomstvoaralyq komıssııa otyrysynda Qazaqstandaǵy adam quqyqtary jónindegi ýákil Elvıra Ázimova aıtty, dep habarlaıdy QazAqparat tilshisi.

Onyń atap ótýinshe, kúni keshe ǵana Ulttyq preventıvti tetikterge qatysýshylar Shyǵys Qazaqstan oblysy Aıagóz qalasyndaǵy arnaıy áleýmettik kómek ortalyǵyn tekserýge baryp birqatar kemshilikti anyqtaǵan.

«Birinshiden, ortalyq 1985 jyly salynǵan burynǵy balabaqsha ǵımaratynda ornalasqan. Soǵan baılanysty tirek-qımyl apparaty buzylǵan balalarǵa qyzmet kórsetýge arnalmaǵan. 2007 jyly qosymsha turǵyn úı qurylysy salynǵan. Degenmen, ol da ortalyq qyzmetine beıimdelmegen. Aıtalyq, tirek-qımyl apparaty buzylǵan balalarǵa asa qajetti basseın joq. Sport zaly jertólede ornalasqan jáne jaryǵy men aýa almasýy syn kótermeıdi. Sport zaly eresekterge arnalǵan qural-jabdyqtarmen jabdyqtalǵan. Bul kishkentaı balalardyń sportpen aınalysý múmkindikterinen aıyrady. Ortalyq tárbıelenýshileriniń densaýlyqtaryn kútip ustaýyna septigin tıgizetin sporttyq qural-jabdyqtar jetkiliksiz», - dedi ol.

Ýákildiń aıtýynsha, ashana dálizde ornalasqan jáne kelip-ketýshiler tamaq iship otyrǵan balalardyń kóńilin aýdarady. Durys jabdyqtalǵan balalar oıyn alańy, pandýstar joq, ǵımaratta ekinshi qabatttan birinshi qabatqa túsetin lıfti ornatylmaǵan. Tekserýshi organdardyń tarapynan baqylaý álsiz. Sebebi mekeme tym shalǵaıda ornalasqan.

«Ulttyq preventıvtik tetik qatysýshylarynyń paıymynsha, tárbıe jumystary jetkiliksiz júrgiziledi. Balalardyń jas erekshelikterin eskeretin tárbıelik sharalar sany óte az. Balalar quqyqtary buzylǵandyǵyn aıtarlyqtaı múmkindikteri joq. Olardyń quqyqtary qalaı qorǵalatyndyǵy jáne olardyń keri baılanysty qalaı alatyndyǵy túsinisiz. Tolyqtaı alǵanda, Ulttyq preventıvtik tetik qatysýshylary mekeme óz beıine saı kelmeıdi degen qorytyndyǵa keldi», - dedi Elvıra Ázimova.

Esterińizge sala ketsek, osyǵan deıin Aıagózdegi áleýmettik kómek ortalyǵynda 4 balanyń qaıtys bolǵandyǵy habarlandy.

QR Іshki ister mınıstrligi istiń tergelýin óz baqylaýyna aldy. Osy oqıǵadan keıin QR Eńbek jáne halyqty áleýmettik qorǵaý mınıstrligi elimizdiń ár óńirinde ornalasqan medıtsınalyq-áleýmettik kómek kórsetetin 113 mekemege tekserý júrgiziletinin málim etti. Onyń ishinde Aıagózdegi balalarǵa arnalǵan arnaıy áleýmettik kómek ortalyǵy bar.

Bizdiń kanalymyzǵa jazylyńyz:

Basty sózder: Shyǵys Qazaqstan oblysy, Qoǵam,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT