+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Aıagóz balalar ortalyǵynda birqatar sharalar qabyldandy - mınıstrlik

2020 jylǵy 12 tamyz 14:54
Bólisińiz:
Aıagóz balalar ortalyǵynda birqatar sharalar qabyldandy - mınıstrlik

NUR-SULTAN. QazAqparat – Aıagózdegi balalar ortalyǵynda júrgizgen tekserýdiń nátıjeleri jarııalandy, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

«Qazaqstandaǵy medıtsınalyq-áleýmettik mekemelerde kórsetiletin qyzmetterdiń sapasyn jaqsartý maqsatynda jumys tásilderi ózgerýde. Onyń ishinde bıylǵy jyldyń sáýir aıynda eldi dúrliktirgen oqıǵa oryn alǵan Aıagóz balalarǵa arnaıy áleýmettik qyzmetter kórsetý ortalyǵynda birqatar sharalar qabyldandy. MÁM jumysyn jaqsartý tetikteri, áleýmettik jumystyń basym baǵyttary vedomstvoaralyq keńestiń otyrysynda talqylandy. Eńbek jáne halyqty áleýmettik qorǵaý vıtse-mınıstri Erlan Áýkenovtiń tóraǵalyǵymen ótken sharaǵa Shyǵys Qazaqstan oblysy ákiminiń orynbasary Álisher Marhabat, Prezıdent Ákimshiliginiń ókilderi, Májilis depýtattary, beıindi memlekettik jáne jergilikti atqarýshy organdardyń qyzmetkerleri, Bala quqyqtary jónindegi ombýdsmen, úkimettik emes uıymdardyń ókilderi qatysty», delingen habarlamada.

Kezdesý barysynda Prezıdent Ákimshiligi men Úkimet komıssııalary Aıagóz ortalyǵynda júrgizgen tekserýdiń nátıjeleri jarııalandy. Tekserý nátıjeleri ortalyqta arnaıy áleýmettik qyzmetterdi kórsetý standarttarynyń tolyq saqtalýy bóliginde birqatar zańbuzýshylyqtar bolǵanyn jáne de mekeme basshylyǵy tarapynan bul baǵytta tıisti baqylaý jasalmaǵanyn kórsetti.

Medıtsınalyq saraptama balalar aýrýhanada negizgi jáne qatar júretin aýrýlardyń, sonyń ishinde aýyr týa bitken patologııalardyń saldarynan qaıtys boldy degen qorytyndyny aıqyndady.

Shyǵys Qazaqstan oblysynyń Jumyspen qamtýdy úılestirý jáne áleýmettik baǵdarlamalar basqarmasynyń basshysy Jasulan Sársebaevtyń aıtýynsha, ákimdik zańbuzýshylyqtardy joıý úshin shuǵyl sharalar qabyldaǵan.

«2 ǵımaratty jóndeýge, balalar alańdaryn abattandyrýǵa 139,5 mln teńge bólindi. Emdeý-deneshynyqtyrý úshin trenajer, kópfýnktsıonaldy kereýetterdi satyp alýǵa, «bultty» saqtaýy bar beınekamera ornatýǵa qosymsha 46,9 mln teńge qosymsha qarastyrylǵan. Ortalyq qyzmetkerleriniń biliktiligin arttyrýǵa 3,5 mln teńge bólindi. Sonymen qatar, qazirgi ýaqytta ortalyqta taǵy bir turǵyn jaı qurylysynyń jobalyq-smetalyq qujattamasy jasalýda. Jańa ǵımarat lıftimen, pallıatıvti top úshin uıyqtaıtyn bólme, medıtsınalyq beket, oıyn bólmesi jáne ashanamen jabdyqtalady. Eski korpýsta alańdardy bosatýǵa baılanysty qosymsha kabınetter men zaldar (EDSh, sportzal jáne t.b.) ornalastyrylady», delingen habarlamada.

Sondaı-aq, mekemede kadrlyq ózgerister boldy. Ortalyqta dırektor men medıtsınalyq bólimshe meńgerýshisi qyzmetinen bosatyldy. Dırektor qyzmetine 20 jyldyq tájirıbesi bar, buryn oblystyń bas pedıatry qyzmetin atqarǵan pedıatr dáriger Sholpan Maqasheva taǵaıyndaldy.

Shyǵys Qazaqstan oblysy ákimdiginiń Jumyspen qamtýdy úılestirý jáne áleýmettik baǵdarlamalar basqarmasy ortalyqpen jumys bóliminiń bastyǵy tártiptik jaýapkershilikke tartylyp, Aıagóz aýrýhanasynyń bas pedıatryna qatań sógis jarııalandy. Ortalyq quramynda gospıtal epıdemıology shtaty ashyldy.

Eńbekmıni Shyǵys Qazaqstan oblysy ákimdiginiń túıtkildi máselelerdi sheshýge sapaly turǵyda kúsh salǵanyn atap ótti.

Eske sala ketsek, mamyr aıynda Shyǵys Qazaqstan oblysy Aıagóz qalasyndaǵy arnaıy áleýmettik kómek ortalyǵynyń 4 tárbıelenýshisi kóz jumdy.

Osyǵan baılanysty QR Eńbek jáne halyqty áleýmettik qorǵaý mınıstrligi 113 medıtsınalyq-áleýmettik mekemege jiti tekserý júrgizetinin jarııalady. Onyń ishinde Aıagózdegi balalarǵa arnalǵan arnaıy áleýmettik kómek ortalyǵy bar.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT