+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Avtojoldardaǵy jaǵdaı áli de kúrdeli - Erlan Turǵymbaev

2020 jylǵy 27 qańtar 17:32
Bólisińiz:
Avtojoldardaǵy jaǵdaı áli de kúrdeli - Erlan Turǵymbaev

NUR-SULTAN. QazAqparat – Іshki ister mınıstri Erlan Turǵymbaevtyń málimdeýinshe, avtojoldardaǵy jaǵdaı kúrdeli kúıinde qalyp otyr. Qazaqstannyń 10 oblysynda kúrdeli meteorologııalyq jaǵdaı saqtalýda, dep habarlaıdy QazAqparat tilshisi mınıstrliktiń baspasóz qyzmetine silteme jasap.

Uqsas jańalyqtar
Ereımentaý aýdanynda qar qursaýynda qalǵan adamdar qutqarý arqanymen evakýatsııalandy Aral teńizi mańyndaǵy sý basý qaýpi joǵary eldi meken turǵyndary kóshirildi Gazben júretin kólikterge arnaıy belgi japsyrý usynyldy

Іshki ister mınıstri aýa raıynyń qolaısyzdyǵyna baılanysty turǵyndarǵa jolǵa shyǵý josparyn keıinge shegere turyp, joldyń ashyq nemese jabyq ekenin baqylap otyrýdy suraıdy. Ásirese, elordada jaǵdaı kúrdeli. Jýyq arada jel kúsheıip, aıaz bastalady jáne aýa temperatýrasy tómendeıdi dep kútilýde.

«Evakýatsııalyq-qutqarý jumystaryna shamamen 2 myńdaı polıtsııa qyzmetkeri, tótenshe jaǵdaı jáne Ulttyq ulan áskerı qyzmetkerleri tartyldy. Jolda júrýde joǵary múmkindigi bar 700-den astam arnaıy tehnıka jumyldyrylǵan. Jumystyń bári aýa raıynyń qıyn jaǵdaıynda júrgizilip jatyr. Sondyqtan azamattar óz qaýipsizdigi úshin eldimekender arasyndaǵy joldarmen júrýden aýlaq bolýy kerek. Mundaı jaǵdaıda «ózimbilemdik» qaıǵyly jaǵdaıǵa ákelip soǵýy múmkin», - deıdi Erlan Turǵymbaev.

Habarlanyp otyrǵandaı, 26-27 qańtarda qabyldanǵan sharalardyń arqasynda 2 myńnan astam adam qutqarylyp, qaýipsiz jerge evakýatsııalanǵan. Olardyń ishinde júzge jýyq bala bar.

Qar qursaýynan 1400-ge jýyq tehnıka shyǵaryldy. Aıta keterligi, jekelegen júrgizýshiler beketterdi aınalyp ótip, óz ómirimen birge jolaýshylarǵa da qaýip tóndirgen.

«Tótenshe jaǵdaıdyń aldyn alý úshin Іshki ister mınıstrligi azamattarǵa eskertý habarlamalaryn eskerip, ishki ister organdary men tótenshe jaǵdaı qyzmetkerleriniń nusqaýyn oryndaýǵa keńes beredi», - dedi Іshki ister mınıstri.

Jergilikti atqarýshy organdarǵa qajet bolǵan jaǵdaıda evakýatsııalaý pýnktileri men jylý-elektr pýnktilerin ornalastyrý jóninde sharalar qabyldaý usynylady.

Qazirgi ýaqytta qutqarý jumystary jalǵasýda. Jol jabylǵany týraly aqparat ár 2 saǵat saıyn jańartylyp otyrady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT