Avtokólik satýdaǵy sharttardyń jartysy onlaın rásimdelgen
2022 jylǵy 22 maýsym 15:42

Avtokólik satýdaǵy sharttardyń jartysy onlaın rásimdelgen

NUR-SULTAN. QazAqparat – QR Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın avtomattandyrylǵan memlekettik qyzmetterdiń bir bóligin jeke platformalarǵa aýystyrý máselesine qatysty pikir bildirdi, dep habarlaıdy QazAqparat tilshisi.

«Elektrondy úkimet degenimiz tek portal ǵana emes. Onyń aýqymynda kóptegen aqparat júıeleri qamtylǵan. Bizdiń mindet – ıntegratsııa júrgizilgen bul júıelerdiń jumysyna qoldaý jasaý. Sondyqtan elektrondy úkimet portaly sonyń tek bir ǵana elementi», - dedi B. Mýsın Parlament Májilisinde tilshiler saýalyna jaýap bere otyryp.

Osy oraıda ol mınıstrlik el halqyna qyzmetterdiń aqysyz júrgizilýin qadaǵalap otyrǵanyn atap ótti.

«Elektrondy úkimettiń negizgi bóliginiń jumysyn qamtamasyz etýge nazar aýdaryp otyrmyz. Sonymen qatar, basqa kásiporyndar men kásipkerlerge jeke platformalarda qyzmet usynýǵa múmkindik beremiz. Bul turǵyda osy memlekettik qyzmetter jeke platformalarda aqysyz usynylýyn talap etemiz. Sondyqtan memlekettik qyzmetter tegin jáne ár sala boıynsha usynylǵanyn qamtamasyz etemiz», - dedi mınıstr.

«Buryndary avtomobıldi satý nemese satyp alýdyń tek 5 paıyzy eGov-ta rásimdelse, qazirgi kezde 50 paıyzy onlaın júrgiziledi. Osy oraıda qyzmet kórsetýdi jaqsartý turǵysynda bıyl tıisti josparlanǵan jumystardy atqaramyz. Aldaǵy ýaqytta osynyń nátıjesin kóresizder», - dedi vedomstvo basshysy.

Budan buryn habarlanǵandaı, elektrondy úkimet portalynyń dızaıny ózgeredi.


Seriktester jańalyqtary

Jańalyqtar

Úrdis

MURAǴAT