Avstrııada Alekseı Poltoranın qamaýdan bosatyldy

ASTANA. QazAqparat - Avstrııadaǵy álem chempıonaty kezinde ustalǵan qazaqstandyq shańǵyshy Alekseı Poltoranın qamaýdan bosatyldy, dep habarlaıdy QazAqparat.

QR shańǵy jarysynyń Ulttyq federatsııasynyń baspasóz hatshysy Samal Naýryzova habarlaǵandaı, Alekseı Poltoranın Avstrııa túrmesinen bosatylǵan.

«Qazir sportshy Zeefeld qalasynda. Alekseı ózin qalypty sezinýde. Onyń Álem chempıonatyndaǵy jarystarǵa qatysýy keıin anyqtalatyn bolady», - deıdi Samal Naýryzova.

Eske sala ketsek, keshe Avstrııanyń Zeefelde qalasynda ótip jatqan álem chempıonatynda Alekseı Poltoranın jarys jolyna shyqpaı qaldy. Nemis jýrnalısi Haıo Zeppelt Týıtterdegi akkaýntynda «shańǵy jarysynan ótip jatqan álem chempıonatynda Qazaqstan, Avstrııa jáne Estonııa sportshylary antıdopıngtik erejelerdi buzdy dep kúdikke ilingenin» jazdy. Atalmysh oqıǵaǵa qatysty Astanada baspasóz máslıhatyn ótkizgen sport jáne dene shynyqtyrý komıtetiniń tóraǵasy Serik Sápıev «Men Alekseıdiń taza sportshy ekenine senimdimin» degen bolatyn.