+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Aýyzsý máselesi ulttyq qaýipsizdik deńgeıine deıin teńestiriledi - BUU

2019 jylǵy 15 qarasha 22:31
Bólisińiz:
Aýyzsý máselesi ulttyq qaýipsizdik deńgeıine deıin teńestiriledi - BUU

ALMATY. QazAqparat – Qazaqstannyń 2019 jyldaǵy sý, energııa, klımat ózgerisi boıynsha turaqty damý kórsetkishteriniń nátıjesi jarııalandy, dep habarlaıdy QazAqparat tilshisi.

Uqsas jańalyqtar
«Astana sý arnasyna» aıyppul salyndy Pavlodar oblysynda 69 aýyldyń aýyzsýy talapqa saı emes

Bul týraly BUU úıinde Turaqty damý maqsattaryn qarjylandyrý máseleleri boıynsha birinshi aımaqtyq sammıtte aıtyldy.

Qazaqstan Búkilálemdik banktiń baǵalaýy boıynsha jahandyq klımattyq ózgeristerge beıim elder qataryna jatqyzyldy.

Zertteý jumystaryna sáıkes, Qazaqstan 20 mlrd tekshe metr sý jumsaıtyny anyqtaldy. Onyń 14 mlrd tekshe metri (68%) aýylsharýashylyǵy ónimderin sýarýǵa baǵyttalady. 2 mlrd tekshe metri óndiriske jumsalady. 1 mlrd tekshe metr sý kommýnaldyq maqsatqa paıdalanylady.

Sý resýrstarynyń azaıýyna baılanysty 2030 jylǵa taman sý tapshylyǵy - 14 mlrd tekshe metrge (70 %!), 2050 jyly 20 mlrd tekshe metrge jetedi. Oǵan klımattyq ózgeristerge baılanysty sý resýrstarynyń azaıýyn taǵy qosýǵa bolady. Eger, tutynýdyń osy shemasy ózgermese, aýyzsý máselesi – ulttyq qaýipsizdik deńgeıine deıin teńestiriledi.

Eger stsenarıı osy qalyptan ózgermese 2030 jylǵa taman jylyna 7-8 mlrd dollar shyǵyn keledi.

BUU bastamasymen qurylǵan Turaqty damý maqsattarynda osy baǵytta birneshe mindet mejelengen.

Qujatta kórsetilgen 12 maqsat, 169 mindet, 300 usaq ındıkatordy kez-kelgen memleket jaýapkershilikpen oryndaýy tıis.

Turaqty damý maqsattary halyqaralyq deńgeıde bekitilgen kontseptsııalarda jarııalanǵan. Bul tujyrymdamalar jer betindegi ortaq ekologııalyq, áleýmettik-ekonomıkalyq problemalardy sheshýge baǵyttalǵan. Eki kúnge sozylatyn sammıt osy máseleniń sheshý joldaryn qarastyrmaq.

Qazaqstannyń jekelegen damý kórsetkishteriniń taldaýyna súıensek, ótken jyldarmen salystyrǵanda kóp kórsetkishte ilgerileý bar. Máselen kedeılik kórsetkishi 1996 jyly 34,6% bolsa, 2018 jyly 4,7% bolǵan. Adamnyń damý ındeksinde Qazaqstan álemniń 189 memleketiniń ishinde 58-orynda tur. 2019 jyly Qazaqstan «Doing Business» reıtıngisiniń bıznesti júrgizý jeńildigi kórsetkishi boıynsha 190 eldiń ishinen 25-orynǵa taban tiredi.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT