+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aýyrmaıtyn jol izde: Skrınıngtiń mańyzy nede

2021 jylǵy 4 sáýir 16:28
Bólisińiz:
Aýyrmaıtyn jol izde: Skrınıngtiń mańyzy nede

ALMATY. QazAqparat - Medıtsınalyq saqtandyrý qory jyl saıyn profılaktıkalyq tekserýge qarajat bólip otyrady. Onyń ishinde áleýmettik mańyzy bar aýrýlardy anyqtaýǵa arnalǵan skrınıngter de bar. Skrınıngtiń mańyzy nede? Tekserýden nege ýaqtyly ótý qajet? Taqyrypqa qatysty osy jáne ózge de mańyzdy suraqtarǵa qordyń Almaty fılıalynyń sarapshylary jaýap berdi, dep habarlaıdy QazAqparat.

Uqsas jańalyqtar
Úsh myń dáriger biliktiligin arttyrdy Almaty qalalyq densaýlyq saqtaý basqarmasy jedel járdem qyzmetkerleriniń shaǵymyna jaýap berdi Aýǵanstanǵa 28 tonna medıtsınalyq júk jetkizildi

Mamandardyń aıtýynsha, aýrýdyń kóbiniń jazylýy qanshalyqty erte anyqtalǵanyna tikeleı baılanysty. Ýaqtyly anyqtalǵan dertti emdeý de ońaı.

Sondyqtan búgingi tańda elimizde aýrýdy erte anyqtaý múmkindigi artyp otyrǵany qýantpaı qoımaıdy.

Máselen, 2021 jyly Almaty qalasy boıynsha qaterli isikke jasalatyn skrınıngterge 1,37 mlrd teńge bólingen.

Atap aıtqanda, 731,5 mln teńge sút bezi obyry skrınıngine, 472,8 mln teńge jatyr moıny obyryn anyqtaıtyn zertteýlerge arnalǵan. Al, kolorektaldy obyr skrınıngine 170,7 mln teńge jumsalmaq.

Skrınıng degenimiz ne jáne onyń qajeti qansha?

Skrınıng – aýrýdy jáne onyń týyndaýyna áser etetin faktorlardy erte anyqtaýǵa múmkindik beretin medıtsınalyq zertteýler jıyntyǵy. Tekserýdiń bul túrine salalyq mamandardyń konsýltatsııasy men zerthanalyq-dıagnostıkalyq zertteýler kiredi.

Skrınıng arqyly qandaı syrqattardy anyqtaýǵa bolady?

• Zııandy ádetterden týyndaıtyn qaýip faktorlaryn erte anyqtaý – 30-70 jas aralyǵyndaǵy erler men áıelder

• Arterıaldy gıpertonııa, júrektiń ıshemııalyq aýrýy men qant dıabetin erte anyqtaý – atalǵan dıagnoz negizinde dınamıkalyq baqylaýǵa alynbaǵan 40-70 jas aralyǵyndaǵy erler men áıelder

• Glaýkomaǵa tekserý (kóz ishi qysymyn) – 40-70 jas aralyǵyndaǵy erler men áıelder

• Jatyr moıny obyryn erte anyqtaý – 30-70 jas aralyǵyndaǵy áıelder

• Sút bezi obyryn erte anyqtaý – 40-70 jas aralyǵyndaǵy áıelder

• Kolorektaldy obyrdy erte anyqtaý – 50-70 jas aralyǵyndaǵy erler men áıelder

• V men S vırýsty gepatıtterin erte anyqtaý

Sonymen qatar, profılaktıkalyq tekserýden 18 jasqa deıingi balalar da óte alady.

Oǵan balanyń psıhofızıkalyq jáne jynystyq damý deńgeıin baǵalaý, zorlyq-zombylyq belgileri bar-joǵyn anyqtaýǵa arnalǵan tekserýler kiredi.

Belgili bir aqaý tabylǵan jaǵdaıda salalyq mamanǵa joldama beriledi.

Profılaktıkalyq tekserden ótýge joldamany kim beredi?

Skrınıngten ótý úshin tirkelgen emhanadaǵy ýchaskelik dárigerden (terapevt) joldama alý qajet. Jas mólsherine qaraı bekitilgen skrınıngterden birden ótýge bolady.

Profılaktıkalyq tekserler MÁMS paketine engen, sondyqtan skrınıngten ótetin azamat saqtandyrylǵan bolýy shart.

Skrınıngten ótý jıiligi qandaı?

Skrınıngtik zertteýlerdiń keı túri bes jyl saıyn, keıbiri – eki nemese tórt jyl saıyn jasalady. Bul merzim ár aýrýdyń damý qarqynyna qaraı belgilengen.

Skrınıng nátıjesin qalaı bilýge bolady?

Skrınıngtik zertteýden ótken patsıentter densaýlyǵynan aqaý tabylǵan jaǵdaıda salalyq mamandardyń konsýltatsııasyna jiberiledi, qajet bolǵanda em taǵaıyndalady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT