Aýyldyq kvota boıynsha túsken «Bolashaq» stıpendıaty kepilge múlik usynbaıdy
2022 jylǵy 1 shilde 13:25

Aýyldyq kvota boıynsha túsken «Bolashaq» stıpendıaty kepilge múlik usynbaıdy

NUR-SULTAN. QazAqparat – Aýyldyq jerlerde turatyn qazaqstandyqtar úshin «Bolashaq» halyqaralyq baǵdarlamasyna arnalǵan kvota saqtalady, dep habarlaıdy QazAqparat Halyqaralyq baǵdarlamalar ortalyǵyna silteme jasap.

Aýyl turǵyndary jeńildetilgen sharttarmen «Bolashaq» halyqaralyq stıpendııasyn taǵaıyndaý úshin konkýrstyq irikteýge qatysa alady.

Erejege sáıkes, halyqaralyq kvotalyq stıpendııaǵa sońǵy úsh jyl boıy aýylda turǵan úmitkerler ǵana ótinish bere alady. Olar sondaı-aq, sońǵy eki jylda aýyldyq jerde jumys isteýi kerek.

Sonymen qatar, GPA – aýyldyq kvota boıynsha úmitkerler dıplomynyń ortasha baly 4,00-diń ishinde 2,67-den kem bolmaýy qajet. Sondaı-aq memlekettik tilden V1 deńgeıinen kem emes, shet tili boıynsha IELTS-ty 9,0 baldan keminde 6,0 ball alǵany týraly sertıfıkat bolýy mindetti.

Aýyl turǵyndary qujat tapsyrý kezinde sheteldik JOO-yna óz betinshe túsýge mindetti emes. Aýyldyq kvota boıynsha stıpendıattar til kýrstarynan ótip, stıpendııa taǵaıyndalǵannan keıin baǵdarlama boıynsha usynylǵan JOO tiziminen oqý ornyn tańdaı alady.

«Aýyldyq kvotaǵa túsken stıpendıattyń kepilge qoıatyn múligi bolmasa, bes kepilger usynylýy múmkin. Ol 50 jasqa tolmaǵan, sońǵy 12 aıda turaqty tabysy bar Qazaqstan Respýblıkasynyń azamaty bola alady. Sonymen qatar, aýyldyq kvota boıynsha úmitkerler úshin jumystan bosatýǵa jeńildikter qarastyrylǵan.

Óńirlerge jumysqa baratyn túlekter úshin jumys merzimi qysqartyldy. Olar 5 jyl emes, 3 jyl jumys isteýi kerek. Bul shara óńirlerge baryp, aýylda jumys isteıtin bolashaqtyqtardyń úlesin arttyrady dep senemiz», - dedi «Halyqaralyq baǵdarlamalar ortalyǵy» AQ basqarma tóraǵasy Ánýar Janǵozın.

Aıta keteıik, qujattardy qabyldaý jáne konkýrstyq irikteý protsesi tolyǵymen avtomattandyryldy. Bul halyqaralyq stıpendııa syılyǵynyń ashyqtyǵyn qamtamasyz etti. Ótinish berýshiler eGov memlekettik qyzmet kórsetý portaly arqyly óńirden shyqpaı-aq ótinish berip, irikteýdiń barlyq satylarynan óte alady.

Esterińizge sala keteıik, bıyl «Bolashaq» halyqaralyq baǵdarlamasy boıynsha jetekshi sheteldik joǵary oqý oryndaryna magıstratýra, doktorantýra jáne rezıdentýraǵa oqýǵa qabyldaý 14 qazanǵa deıin jalǵasady. Taǵylymdamadan ótý úshin qujattardy qabyldaý 5 qyrkúıekte bastalyp, 2022 jyldyń 14 qazanyna deıin jalǵasady.

2022 jyly magıstratýra men rezıdentýraǵa 385 shákirtaqy, doktorantýraǵa 60 shákirtaqy bólindi.

«Bolashaq» baǵdarlamasynyń sharttaryna sáıkes memleket stýdentterge oqý aqysyn, eki jaqqa barý reısin, sondaı-aq medıtsınalyq saqtandyrý men aı saıynǵy stıpendııany tóleıdi. Shákirtaqy mólsheri belgili bir eldegi qalaǵa jáne ómir súrý deńgeıine baılanysty ózgeredi. Mysaly, Nıý-Iork pen Londonda aı saıynǵy shákirtaqy 2 myń AQSh dollarynan asady.


Foto: bilimdinews.kz
Uqsas jańalyqtar
Seriktester jańalyqtary

Jańalyqtar

Úrdis

MURAǴAT