+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Aýyldarda 150 jańa densaýlyq saqtaý nysandaryn ashý qajet – Aqylbek Kúrishbaev

2020 jylǵy 23 qazan 11:25
Bólisińiz:
Aýyldarda 150 jańa densaýlyq saqtaý nysandaryn ashý qajet – Aqylbek Kúrishbaev

NUR-SULTAN. QazAqparat – Senat depýtaty Aqylbek Kúrishbaev halyqtyń aýyldyq jerden qalaǵa kóshýi ósip kele jatqanyna alańdaýshylyq bildirdi, dep habarlaıdy QazAqparat tilshisi.

«Aýyldyq jerlerdiń búgingi ahýaly qandaı? Onda turatyn halyqtyń turmys-tirshilik, áleýmettik jaǵdaıy qandaı deńgeıde? 2011 jyly bizde aýyl halqynyń úlesi 45,4 paıyzdy qurasa, qazir bul kórsetkish 41,3 paıyzǵa teń. Ásirese, onyń ekonomıkalyq belsendi bóligi úlesiniń kúrt tómendeýi alańdatady. Máselen, sońǵy 10 jylda eńbekke qabiletti jastaǵy adamdar sany 4,1-den 3,8 mln adamǵa deıin tómendegen», - dedi depýtat Senattaǵy aýyldyq aýmaqtardy damytý jónindegi parlamenttik tyńdaýda.

Osy oraıda ol jyldan jylǵa halyqtyń aýyldyq jerden kóshýi ósip kele jatqanyn jetkizdi. Ótken jyly jarty mıllıonǵa jýyq adam aýyldan qalalarǵa qonys aýdarǵan.

«Buryn aýylda bala týý deńgeıi qalaǵa qaraǵanda árqashanda joǵary bolatyn. Al sońǵy alty jylda bul kórsetkish aýyldyq jerlerde tómendep ketti. Statıstıka málimetteri boıynsha, 2019 jyly aýyldaǵy jan basyna shaqqandaǵy tabys aıyna 45 829 teńgeni quraǵan (qalada – 66 207 teńge). Al biz júrgizgen saýalnama nátıjeleri boıynsha aýyl turǵyndarynyń tabystaryn baǵalaý odan da az, aıyna – 35 349 teńge. Aıta ketý kerek, biryńǵaı jıyntyq tólemdi tóleýshi 3,6 mln adamnyń 2 mln nemese 56,2 paıyzy aýyldarda turady. Sondaı-aq, tabysy, kúnkóris deńgeıinen tómen, az qamtylǵan otbasylar sany aýyldyq jerlerde 6,6 paıyz, bul qalaǵa qaraǵanda 2,5 ese kóp. Osylaısha, elimizdiń kedeı jáne kúnkórisi tómen otbasylardyń negizgi bóligi aýyldyq eldi mekenderde turady», - dedi A. Kúrishbaev.

Onyń sózine qaraǵanda, aldaǵy ýaqytta aýylda 150 jańa densaýlyq saqtaý nysandaryn ashý qajet. Aýyldyq jerlerde dárigerlerge qajettilik 900-den astam adamdy quraıdy. Bul rette qalada 10 myń adamǵa 56 dárigerden kelse, aýylda tek qana 16 dáriger nemese 3,5 ese az.

Budan buryn habarlanǵandaı, atalǵan parlamenttik tyńdaýda QR Parlamenti Senatynyń tóraǵasy Máýlen Áshimbaev aýyldardy memlekettik qoldaý túrli baǵdarlamalardyń tasasynda qalyp kele jatqanyn aıtty.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT