+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Aýyldarda 1 myńnan astam memqyzmetshi jetispeıdi: «Dıplommen aýylǵa» osy máseleni sheshedi

2020 jylǵy 25 maýsym 19:56
Bólisińiz:
Aýyldarda 1 myńnan astam memqyzmetshi jetispeıdi: «Dıplommen aýylǵa» osy máseleni sheshedi

NUR-SULTAN. QazAQparat - Parlament Senaty memlekettik qyzmet salasyndaǵy zań jobasyna engiziletin túzetýlerdi qabyldady, dep habarlaıdy QazAqparat.

Búgin Qazaqstan Respýblıkasy Senatynyń plenarlyq otyrysynda Memlekettik qyzmet isteri agenttigi ázirlegen «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» Zań jobasy maquldandy.

Atalǵan Zań jobasyn Senat depýttaryna QR Memlekettik qyzmet isteri agenttiginiń tóraǵasy A.Jaıylǵanova tanystyrdy.

Anar Jaıylǵanovanyń aıtýynsha Zań jobasy Elbasynyń jáne Prezıdenttiń memlekettik qyzmet salasyn jetildirý boıynsha berilgen tapsyrmalaryn oryndaý maqsatynda ázirlengen.

«Zań jobasynda « Dıplommen aýylǵa» jobasyn memlekettik qyzmetshilerge qoldaný, «A» korpýsynyń kadr rezervin jasaqtaýdan bas tartý, arnaıy tekserý júrgizý kezeńin memlekettik qyzmet ótiline qosý, memlekettik qyzmetke ornalasý boıynsha konkýrstyq rásimderdi ońtaılandyrý, jekelegen saıası laýazymdarǵa Prezıdenttiń sheshimi boıynsha biliktilik talaptaryn belgileý sııaqty túzetýler qarastyrylǵan», dedi Anar Jaıylǵanova.

Sondaı-aq, vedomstvo basshysy zań jobasyn qabyldaý teris áleýmettik-ekonomıkalyq jáne quqyqtyq saldarǵa, sondaı-aq memlekettik bıýdjetten shyǵyndarǵa ákep soqpaıtynyn aıtty.

Budan bólek, Zań jobasynda qarastyrylǵan normalardyń biri Sybaılas jemqorlyq quqyq buzýshylyq nemese memlekettik qyzmetke kir keltiretin tártiptik teris qylyq jasaǵany úshin jaýapkershilik qaralatyn adamdardy basqa memlekettik qyzmetke aýysýyna baılanysty jumystan bosatýǵa tyıym salý.

Qoldanystaǵy zańdaǵy osyndaı shekteýler óz erki boıynsha jumystan bosatý úshin kózdelgen jáne quqyq buzýshylyq jasaǵan adamdardy jaýapkershilikten bosatýdyń jolyn kesýge baǵyttalǵan.

Memlekettik qyzmetke ornalasý boıynsha konkýrstyq rásimder ońtaılandyrylatyn bolady. Atap aıtqanda, 3 kezeńdik konkýrstyq irikteýden 2 kezeńdik konkýrstyq irikteýge kóshý. ıAǵnı barlyq memlekettik organdardyń memlekettik qyzmetshileri arasyndaǵy 2-shi ishki konkýrsty jáne jalpy konkýrsty biriktirý usynylady.

Bul konkýrstyq rásimderdiń ýaqytyn qysqartýǵa jáne bos jumys oryndaryn toltyrýdyń jedeldigin arttyrýǵa múmkindik beredi.

Memlekettik qyzmetshilerge «Dıplommen aýylǵa» jobasynyń qoldanylýy bilikti kadrlardy tartý úshin aýyldaǵy memlekettik qyzmettiń tartymdylyǵyn arttyrýǵa múmkindik beredi.

Agenttiktiń málimetinshe, aýyldarda kadr tapshylyǵy myńnan astam adamdy quraıdy. Bul jas memlekettik qyzmetshilerge turǵyn úı satyp alý nemese salý úshin beriletin kóterme járdemaqy men bıýdjettik kredıtter alýǵa múmkindik beredi.

Jalpy, Zań jobasy aıasynda 1 kodekske jáne 5 zańǵa túzetý engizý qarastyrylǵan.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT