Jańalyqtar  >

Aýyldan Aqordaǵa deıingi sheshimniń bári memleket múddesi turǵysynan qabyldanýy qajet - Prezıdent

2022 jylǵy 6 qazan, 17:20
Aýyldan Aqordaǵa deıingi sheshimniń bári memleket múddesi turǵysynan qabyldanýy qajet - Prezıdent

ASTANA. QazAqparat – Týǵan elge janashyrlyq ár azamatqa tán qasıet bolýǵa tıis. Bul týraly QR Prezıdenti Qasym-Jomart Toqaev búgingi halyqtyq koalıtsııanyń forýmynda aıtty, dep habarlaıdy QazAqparat tilshisi.

«Eldiktiń negizi – jerimizdiń tutastyǵy. Babalarymyz urpaǵyna ulan-ǵaıyr jerdi mıras etti. Biz onyń bir ýys topyraǵyna deıin qasterlep, atamekenimizdi qorǵaı bilýimiz kerek», - dedi Memleket basshysy prezıdenttikke Qasym-Jomart Toqaevtyń kandıdatýrasyn qoldaý jónindegi halyqtyq koalıtsııanyń forýmynda.

Prezıdent memleket múddesi – qasterli qundylyq ekenin basa aıtty.

«Aýyldan Aqordaǵa deıingi sheshimniń bári osy turǵydan qabyldanýy qajet. Bir sózben aıtsaq, ár iste memlekettik ustanym bolýy kerek. Memleket múddesi degenimiz – halyqtyń múddesi. Sondyqtan, barlyq sheshimder, jobalar, zańdar men jarǵylar el múddesin qorǵaýǵa arnalady. Týǵan elge janashyrlyq ár azamatqa tán qasıet bolýǵa tıis», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar