Aýyl sharýashylyǵynyń negizgi kapıtalyna ınvestıtsııalar legi sońǵy 5 jylda úsh esege ulǵaıdy
2022 jylǵy 27 maýsym 17:53

Aýyl sharýashylyǵynyń negizgi kapıtalyna ınvestıtsııalar legi sońǵy 5 jylda úsh esege ulǵaıdy

NUR-SULTAN. QazAqparat – Qazaqstannyń aýyl sharýashylyǵynyń negizgi kapıtalyna ınvestıtsııalar legi 3 esege ulǵaıdy. Bul týraly Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Sońǵy jyldary memlekettik qoldaý sharalaryn iske asyrý arqasynda eldiń agroónerkásip keshenin damytýdyń oń serpini baıqalýda. Máselen 5 jyl ishinde jalpy ónim kólemi 2 esege artty (7,4 trln. teńge), aýyl sharýashylyǵynyń negizgi kapıtalyna ınvestıtsııalar legi 3 esege (773,2 mlrd teńge) ulǵaıdy», - dep atap ótedi Úkimet basshysy.

Onyń aıtýynsha, salany odan ári ornyqty damytý maqsatynda Agroónerkásiptik keshendi damytýdyń 2025 jylǵa deıingi ulttyq jobasy jáne Agroónerkásiptik keshendi damytýdyń 2030 jylǵa deıingi tujyrymdamasy qabyldandy. Olardyń negizgi maqsaty - qarjylandyrýdyń qoljetimdiligin arttyrýdy, jer qatynastaryn damytý men salany tsıfrlandyrýdy, agrarlyq ǵylym men bilimdi jetildirýdi, veterınarııalyq jáne fıtosanıtarııalyq qaýipsizdikti qamtamasyz etýdi kózdeıtin sharalar keshenin qabyldaý arqyly eldiń azyq-túlik qaýipsizdigin qamtamasyz etý, sondaı-aq AÓK ónimderiniń eksportyn damytý jáne ımportty almastyrý boıynsha keminde 582 ınvestıtsııalyq jobany iske asyrý.

«Budan basqa, AÓK sýbsıdııalaý júıesin qaıta qaraý boıynsha jumystar júrgizilýde. Tutastaı alǵanda, sýbsıdııalaý júıesi, eń aldymen, sýbsıdııalaý rásimderin qysqartý, onyń baǵyttaryn ońtaılandyrý, barlyq sýbektiler úshin qoljetimdilikti qamtamasyz etý, qazirgi zamanǵy tehnologııalardy engizýdi yntalandyrý jáne AÓK-ge ınvestıtsııalar tartý, naqty ındıkatıvtik kórsetkishterge qol jetkizý boıynsha fermerlerdiń qarsy mindettemeler alý normasyn engizý esebinen reformalanatyn bolady», - dedi Álıhan Smaıylov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT