+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Aýyl sharýashylyǵy tehnıkasyn óndirýdi yntalandyrý kerek - mınıstr

2020 jylǵy 19 maýsym 13:34
Bólisińiz:
Aýyl sharýashylyǵy tehnıkasyn óndirýdi yntalandyrý kerek - mınıstr

NUR-SULTAN. QazAqparat - Qazaqstanda aýyl sharýashylyǵy tehnıkasynyń eskirgen parkin jańartý úshin otandyq óndiristi yntalandyrý qajet. Bul týraly QR Indýstrııa jáne ınfraqurylymdyq damý mınıstri Beıbit Atamqulov málimdedi, dep habarlaıdy QazAqparat tilshisi.

Onyń aıtýynsha, aýyl sharýashylyǵy mashınalaryn jasaýda 10 jylda óndiris ósimi 5 ese, ınvestıtsııa ósimi - 3,4 ese ósti, ónimdi lokalızatsııalaýdyń ortasha deńgeıi 37% qurady.

«2020 jyldyń bes aıynda 12 mlrd 46 mln teńgege aýyl sharýashylyǵy tehnıkasy, onyń ishinde 825 traktor, 139 kombaın shyǵaryldy, ósim 54% qurady. Atalmysh baǵyttaǵy kásiporyndarda Agromashholdıng (astyq jınaıtyn Esil kombaındary men Lovol traktorlary), SemAZ jáne Kompozıt Grýpp Qazaqstan (Belarýs markaly traktorlar), Qostanaı traktor zaýyty (Kırovets traktorlaryn qurastyrý), Qazaqstandyq Agro-Innovatsııalyq Korporatsııa (Belarýs, Bıýler traktorlary, AKROS, TORÝM kombaındary, AMITI egis keshenderi jáne basqa da jabdyqtar), jáne Don Mar kompanııasy (oraq jáne egin jınaýǵa arnalǵan buıymdar) bar», - dedi mınıstr Úkimet otyrysynda.

Qazirgi ýaqytta elimizde 153 myń traktor men 42 myń dana kombaın tirkelgen. Traktorlardyń 65% men kombaındardyń 46% 17 jyldan astam ýaqyt boıy paıdalanylýda.

«Aýyl sharýashylyǵy tehnıkasynyń eskirgen parkin jańartý úshin biz ózimizdiń aýyl sharýashylyǵy tehnıkasy men jabdyqtarynyń zamanaýı óndirisin qurý boıynsha jumys isteýdemiz. Bul sharalar eńbek ónimdiligin jáne ónimniń sapasyn arttyrýǵa múmkindik beredi dep oılaımyz. Avtoónerkásipte kádege jaratýdy yntalandyrý tájirıbesin aýyl sharýashylyǵy tehnıkasyna taratý kerek dep esepteımiz. Aýyl sharýashylyǵy tehnıkasyn óndirýdi yntalandyrý úshin otandyq traktorlar men kombaındardy lızıngke satý baǵdarlamasy iske qosyldy», - dedi Beıbit Atamqulov.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT