Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

Aýyl sharýashylyǵy ónimderin QHR-ǵa eksporttaý boıynsha 14 úkimetaralyq qujatqa qol qoıyldy

2019 jylǵy 7 maýsym 00:23 906
Bólisińiz:
Aýyl sharýashylyǵy ónimderin QHR-ǵa eksporttaý boıynsha 14 úkimetaralyq qujatqa qol qoıyldy

NUR-SULTAN. QazAqparat - QR Syrtqy ister mınıstri Beıbit Atamqulov Qytaı Halyq Respýblıkasynyń Qazaqstan Respýblıkasyndaǵy Elshisi Chjan Sıaony qabyldady, dep habarlaıdy atalǵan vedomstvonyń baspasóz qyzmeti. 

Taraptar Qazaqstan jáne Qytaıdyń túrli halyqaralyq alańdarda jáne kópjaqty qurylymdar aıasyndaǵy ózara is-qımyl máselelerin talqylap, halyqaralyq kún tártibindegi máseleler boıynsha eki eldiń ustanymdarynyń uqsastyǵyn atap ótti.

Kezdesýde sondaı-aq saýda-ekonomıkalyq yntymaqtastyq, atap aıtqanda, otandyq aýyl sharýashylyǵy ónimderin Qytaıdyń keń naryǵyna jyljytý máseleleri talqylandy. Qazaqstan aýyl sharýashylyǵy organıkalyq ónimderi eksportynyń kólemin ulǵaıtý boıynsha úlken áleýetke ıe.

Qazirgi ýaqytta Qazaqstan jáne Qytaı arasynda qazaqstandyq aýyl sharýashylyǵy ónimderin QHR-ǵa eksporttaý boıynsha 14 úkimetaralyq ruqsat berý qujattaryna qol qoıyldy.

Kelissózder barysynda ınvestıtsııalardy tartý jáne eksportty ilgeriletýdi úılestirý jónindegi memlekettik saıasatty iske asyrý aıasynda saýda salasyn keńeıtý, qurylymdy ońtaılandyrý jáne saýda aýqymyn ulǵaıtý, sondaı-aq Qazaqstan jáne Qytaı arasyndaǵy saýdadaǵy joǵary tehnologııalyq ónimderdiń úlesin arttyrý máselelerin retteý jolymen ekijaqty taýar aınalymyn arttyrýǵa erekshe nazar aýdaryldy.

Budan bólek, taraptar eki memleket basshylarynyń bastamasy boıynsha iske asyrylatyn iri birlesken ınvestıtsııalyq jobalardyń biri bolyp tabylatyn «Qorǵas» shekara mańy yntymaqtastyǵy halyqaralyq ortalyǵyn odan ári damytý qajettigin atap ótti.

Aıta keteıik, Qytaı Qazaqstannyń iri syrtqy saýda seriktesteriniń biri bolyp qalýda, onyń Qazaqstannyń jalpy taýar aınalymyndaǵy úles salmaǵy 2018 jyly 15,7% (11,7 mlrd onyń ishinde 6,3 mlrd. - qazaqstandyq eksport jáne 5,4 mlrd. - Qytaıdan ımport).

Ulttyq banktiń málimetteri boıynsha, Qytaı Qazaqstanǵa tartylǵan sheteldik ınvestıtsııalar boıynsha 4-shi orynda tur jáne tartylǵan qytaı kapıtalynyń kólemi 2018 jylǵa deıin 15,6 mlrd AQSh. Negizinen QHR kólik jáne qoımalaý, taý-ken ónerkásibi jáne karerlerdi qazý, óńdeý ónerkásibi, qurylys jáne qarjy jáne saqtandyrý qyzmetteri sııaqty salalarǵa ınvestıtsııa quıady.

 

 

Bizdiń kanalymyzǵa jazylyńyz:

Basty sózder: Qytaı, Aýyl sharýashylyǵy,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT