+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Aýyl sharýashylyǵy mınıstrligi komıtetiniń eks-basshysy aqtalyp shyqty

2021 jylǵy 3 tamyz 21:42
Bólisińiz:
Aýyl sharýashylyǵy mınıstrligi komıtetiniń eks-basshysy aqtalyp shyqty

NUR-SULTAN. QazAqparat – Nur-Sultan qalalyq soty Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıtetiniń burynǵy basshysy E. Aınabekovti aqtap shyǵardy, dep habarlaıdy QazAqparat tilshisi.

Uqsas jańalyqtar
Jurttyń kózinshe er adamdy atqan ekibastuzdyq  sottaldy «SQ-Farmatsııanyń» burynǵy basshysyna qatysty aqtaý úkiminiń kúshi joıyldy Aqtóbede jalǵan PTR anyqtamasyn satqan erli-zaıyptyǵa sot úkimi shyqty

E.Aınabekov komıtet tóraǵasy qyzmetinde bolǵan kezde laýazymdyq ókilettikterin asyra paıdalanǵany úshin aıyptalǵan bolatyn. Naqty aıtsaq, 2017 jyldyń aqpan-sáýir aılarynda Memlekettik satyp alý konkýrsynyń qorytyndysy boıynsha Jambyl jáne Ońtústik Qazaqstan (Túrkistan) oblystarynyń aýmaǵyndaǵy egis daqyldaryn hımııalyq ýlaǵysh zattarmen óńdeıtin merdiger retinde jeke kásipkerlik nysan jeńimpaz dep tanylǵan bolatyn. Merdiger jumysty sapasyz oryndap, tehnıkany der kezinde jetkizbeýi saldarynan óńirge «marokko shegirtkesi» qaptaǵan.

Tergeý kezinde E.Aınabekovke osy keleńsizdiktiń izin jabý úshin «Fıtosanıtarııa» RMK basshysy Tólebaevty jumysty kesheýildetken merdigerge shegirtkege qarsy ý shashatyn tehnıka usynýǵa májbúrledi degen aıyp taǵylǵan. Tergeý nusqasy boıynsha sonyń saldarynan atalmysh respýblıkalyq memlekettik kásiporyn 520 855 teńge zııan shekken. Sondaı-aq komıtettiń eks-basshysy jaýapkershiligi shekteýli seriktestikti shegirtkege qarsy ýly hımıkattardy tegin berýge májbúrlegen. E.Aınabekov osy zańsyz tapsyrmasy arqyly seriktestikti 18,1 mln teńge shyǵynǵa batyrǵan.

«Buǵan qosa Aınabekov mamandandyrylǵan aýdanaralyq sot merdigerdi josyqsyz oryndaýshy retinde tanyǵanyn bile turyp, kelisimshart qunyn ulǵaıtý týraly qosymsha qujat rásimdeý arqyly 30 040 695 teńge somasynda bıýdjet qarajatyn zańsyz tóledi dep aıyptalǵan bolatyn. Nur-Sultan qalalyq sotynyń qylmystyq ister jónindegi sot alqasynyń 2021 jylǵy 3 tamyzdaǵy úkimimen Aınabekov óziniń áreketterinde qylmystyq quqyq buzýshylyq quramynyń bolmaýyna baılanysty taǵylǵan aıyp boıynsha aqtaldy», - dep jazylǵan sottyń baspasóz qyzmeti taratqan aqparatta.

Resmı málimette zııankeske qarsy ý shashatyn tehnıkanyń ýaqtyly jetkizilýin jáne alańdardy shegirtkege qarsy óńdeý sharalarynyń bastalýyn baqylaý komıtetke baǵynyshty aýmaqtyq ınspektsııasy basshylyǵynyń mindetine kirgendikten osyndaı sheshim shyǵarylǵany aıtylǵan.

«Sot talqylaýy kezinde «marokko shegirtkesiniń» Jambyl oblysynyń aýmaǵynda jappaı taralýynyń naqty sebepteri anyqtaldy. 2016-2017 jyldarǵa dóp kelgen tabıǵı tsıklderden týyndaǵan bıologııalyq belsendilik, shegirtke taralýy yqtımal aýdandarda hımııalyq óńdeý jumystaryn júrgizýge qolaıly aýa raıynyń bolmaýy, sondaı-aq vedomstvonyń qaramaǵyndaǵy dıagnostıka ortalyǵynyń 2016 jyly shegirtkelerdiń taralý múmkindigin durys boljamaýy zııankesterdiń bas kóterýine sebepker bolǵan. 2016 jyly atalmysh ortalyqty Aınabekov basqaryp, keıin komıtet basshylyǵyna aýysty. Biraq ol boljam jobasyna óńirlerden alynǵan derekter negizinde qol qoıdy», - dep jazady qalalyq sottyń baspasóz qyzmeti.

Sottyń uıǵyrymy boıynsha, aıyptaýshy tarap Aınabekovtiń arnaıy tehnıka men ýly hımıkatty jetkizý kezinde zardap shekti dep kórsetilgen RMK men JShS basshylyǵyna qysym kórsetý faktisin dáleldeı almaǵan. ıAǵnı, RMK tehnıkasyn dırektor kásiporyn Jarǵysy boıynsha erikti túrde, merdigermen arada jasalǵan yntymaqtastyq týraly shart negizinde usynǵan kórinedi.

Al mamandandyrylǵan aýdanaralyq sot sheshimine qaramastan, qosymsha kelisimshart jasaýǵa memlekettiń ekonomıkalyq jáne ekologııalyq múddelerine qaýip tónýi túrtki bolǵany aıtylýda. ıAǵnı, shegirtkelerdiń tez taralýyn toqtatý úshin osyndaı sharaǵa barýǵa májbúr bolǵan.

«Aınabekovtiń qosymsha kelisimder jasaýy jáne qosymsha qarjy bólgizýi zańǵa sáıkes bolǵanyn AShM komıtetiniń zańsyz bólindi degen aqshany óndirip alý sharasynan bas tartýy negiz boldy. Óıtkeni qosymsha bólingen aqshaǵa tıisti óńdeý jumystary júrgizilgen. Atalǵan óńirlerde qosymsha óńdeý jumystary júrgiziletinin mınıstrliktegi basshylar da bilgen. Muny burynǵy vıtse-mınıstr Rahymbekov rastady. Aınabekovtiń ústinen qozǵalǵan 1,5 jyldyq tergeý onyń merdiger uıymnyń nemese onyń basshysy Qalmuratovtyń paıdasyna zańsyz is-áreketter jasaǵanyn anyqtaı almaǵan», - dep jazylǵan sot málimetinde.

ıAǵnı, Qylmystyq kodekstiń 361 jáne 362-baptarynda kórsetilgen zań buzý faktilerin aıyptaýshy tarap dáleldeı almady.

Eks-sheneýnikti aqtaǵan úkim zańdy kúshine endi.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT