+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Aýyl sharýashylyǵy mashınasyn jasaýǵa arnalǵan salalyq baǵdarlama qajet - senator

2019 jylǵy 21 qarasha 15:45
Bólisińiz:
Aýyl sharýashylyǵy mashınasyn jasaýǵa arnalǵan salalyq baǵdarlama qajet - senator

NUR-SULTAN. QazAqparat – Parlament Májilisiniń jalpy otyrysynda aýyl sharýashylyǵy mashınasyn jasaýǵa arnalǵan salalyq baǵdarlama ázirleý qajettigi aıtyldy. Osy oraıda senator Ábdáli Nuralıev Aýyl sharýashylyǵy mınıstri Saparhan Omarovtyń atyna depýtattyq saýal joldady, dep habarlaıdy QazAqparat tilshisi.

Uqsas jańalyqtar
Senator qabyldaǵan 25 turǵynnyń máseleleriniń kópshiligi sol jerde sheshildi –Taldyqorǵan Senatorlarmen kezdesýde kásipodaqtardyń rólin nyǵaıtý máseleleri talqylandy - Qaraǵandy Depýtattar Aqtaýdaǵy aýyz sý tapshylyǵyn joıý qajettigin atap ótti

«Respýblıkamyzda agroónerkásiptik keshenin tehnıkalyq qoldaý salasynda mınıstrliktiń aldynda kúrmeýi kúrdeli, ózekti mindetter tur. Máseleni jan-jaqty sheshý úshin otandyq aýyl sharýashylyǵy mashına jasaý salasyn qaıta jańartý jáne agroónerkásiptik kesheninde ınjenerlik-tehnıkalyq qoldaý júıesin damytý maqsatynda salalyq baǵdarlama qajet dep sanaımyz», - dedi senator.

Osy oraıda depýtat salalyq baǵdarlamada sharýalar úshin tehnıka alýǵa qarastyrylǵan memlekettik sýbsıdııalaýdyń deńgeıin 25-ten 50 paıyzǵa deıin kóterýdi, lızıngke beriletin tehnıkalarǵa aldyn ala tólemder kólemin 25-ten 10 paıyzǵa deıin tómendetip, merzimin 10 jylǵa deıin uzartýdy qarastyratyn naqty sharalar qabyldaý qajettigin aıtty.

Ábdáli Nuralıevtiń sózine qaraǵanda, 2019 jylǵy 1 qańtardaǵy jaǵdaı boıynsha Qazaqstandaǵy aýyl sharýashylyǵy tehnıkasy parkiniń negizgi túrleri: 147,3 myń traktordan, 35,5 myń astyq jınaýshy kombaınnan, 3,9 myń egý keshenderinen, 79,5 myń tuqymsepkishten, 14,8 myń destelegishten turady.

«Bul degenimiz, 1990 jyldarmen salystyrǵanda Qazaqstanda aýyl sharýashylyǵy tehnıkasynyń sany 2 esege kem. Fermerlerdiń qoldanystaǵy tehnıkalary basym kópshiliginiń tozyǵy jetken, qyzmet kórsetý merzimi áldeqashan shyqqan. Dálirek aıtsaq, traktorlar men kombaındardyń tozýy 80%-dy quraıdy. Olardyń ishinde paıdalaný merzimi 15 jyldan joǵary traktorlar – 79 %; kombaındar – 54 %; tuqymsepkishter – 86%-dan astam», - dedi senator.

Osy oraıda ol tehnıkalarynyń jetispeýshiligi, qolda bar jabdyqtardyń tozý deńgeıi jer óńdeýde agrotehnıkalyq sharalardyń merziminde atqarylmaýyna, ónimniń sapasyna jáne kólemine áser etetinin atap ótti. Bul óz kezeginde fermerlerdiń eńbek ónimdiligin tómendetedi jáne munaı ónimderin utymsyz tutynýmen baılanysty qosymsha shyǵyndar beredi.

«Mamandardyń esepteýinshe, Qazaqstanda aýyl sharýashylyǵy óndirisin mehanıkalandyrý deńgeıiniń tómendeýinen elimiz jyl saıyn 3 mıllıon tonnaǵa jýyq ónim joǵaltyp otyr. Aýylsharýashylyq tehnıkasynyń (egý keshenderinen basqa) negizgi túrlerin jańartý qarqyny da tómen. Aýyl sharýashylyǵy tehnıkasyn satyp alýdyń ortasha jyldyq kólemi 80 mlrd teńge, onyń ishinde otandyq óndiris 20,5 mlrd teńge», - dedi depýtat.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT