+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Aýyl sharýashylyǵy máselesin talqylaǵan jıynǵa on shaqty ǵana fermerdiń qatysýy uıat - BQO ákimi

2014 jylǵy 25 maýsym 16:43
Bólisińiz:
Aýyl sharýashylyǵy máselesin talqylaǵan jıynǵa on shaqty ǵana fermerdiń qatysýy uıat - BQO ákimi

ORAL. QazAqparat - Aýyl-aımaqta «Agrobıznes - 2020» baǵdarlamasynyń oryndalý barysymen tanysyp júrgen oblys ákimi Nurlan Noǵaev Shyńǵyrlaý aýdanynda bolyp, «Jaras» agrofırmasy, «Birlik», «Ǵaını» sharýa qojalyqtarynyń tynys-tirshiligimen tanysty.

Jańbyr men kúshti jelge qaramastan, óńir basshysynyń kelýin fermerler jaqsy yrymǵa jorydy. «Jańbyr kópten jaýmap edi, bul nur ǵoı», - dedi olar.

Shyńǵyrlaý aýdany Reseıdiń Orynbor oblysymen shektesedi. Bıylǵy bir qýanysh, Shyńǵyrlaý men Aqsaı qalasyn jalǵastyratyn qatqyl tabandy jol salynyp bitedi. Shyńǵyrlaý aýylynyń ishinde de jol salý oılastyrylǵan.

«Agrobıznes - 2020» baǵdarlamasyna qatysty jıyn aýdandyq mádenıet úıinde ótti. Bul rette zalda fermerlerdiń azdyǵy oblys basshysyn qatty qynjyltty. «Fermerler 10-15 adam ǵana, qalǵan oryndy ákimdik jáne basqa sala qyzmetkerlerimen toltyrǵansyńdar. Biz ákimdik qyzmetkerlerimen onysyz da kezdesip júrmiz. Aýdanda 110 sharýa qojalyǵy bar eken, tym bolmasa sonyń jartysy nege kelmegen? Biz munda ýaqytymyzdy bólip, sharýalardyń ózekti máselelerin tyńdap, ony jınaqtap, úkimetke usyný úshin keldik. Aýdanda josparlanǵan egistik alqabynyń teń jartysyna ǵana dán sebilgen. Kúni búgin aýyl sharýashylyǵynyń barlyq salasynda demeýqarjy qarastyrylǵan. Sony biz ár fermerge jetkize bilýimiz kerek», - degen Nurlan Asqaruly aýdan ákimi Aldııar Halelovke eskertý jasady. Qalǵan úsh aýdanda mundaı jaǵdaıdyń qaıtalanbaýyn osy sala máselelerimen aınalysatyn oblys ákiminiń orynbasary Arman Óteǵulovqa tapsyrdy.

Jıynda fermer Jasulan Orynǵalıevtiń málim etkenindeı, aýylda jumys qoly jetispeıdi, jastar qalaǵa kóp ketýde. «Solardyń ornyna oralmandardy ornalastyrýdy usynamyn. Olarǵa úı de taýyp bere alamyz, balalaryn mektepke daıyndaýǵa járdemdesemiz. Osy maqsatta ózim eki úı satyp almaqshymyn», - dedi ol.

Oblys ákiminiń atap ótkenindeı, ınvestorlar keńesiniń Shymkentte ótetin kelesi otyrysynyń taqyryby azyq-túlik qaýipsizdigi bolmaqshy. «Onda qatysýshylardyń deni jer qoınaýyn paıdalanýshylar ekeni belgili. Soǵan qaramastan, másele asa mańyzdy bolǵandyqtan, kún tártibine qoıylyp otyr. Aýyl sharýalarynyń qarjyǵa qol jetkizýine sózbuıdaǵa salmaı, nesıe berýshi mekemeler de atsalysýy tıis. Al jergilikti jerde jumys berýshiler kadr turaqtylyǵyn qamtamasyz etý úshin barlyq sharany alýy qajet. Eń bastysy, ár iste de kásibılik kerek. Eshqandaı tamyr-tanysqa moıyn burmaı, tapsyrylǵan jumysty ýaqtyly da sapaly oryndaǵan jaǵdaıda ǵana tabysqa qol jetedi», - dep túıdi sózin ákim.
Nurlan Noǵaev

Nurlan Noǵaev

Nurlan Noǵaev

Nurlan Noǵaev

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT